1 Emakhosi 8:3 - Siswati 1996 Bible

³ Tatsi nase tiphelele tonkhe timphunga tema-Israyeli, baphristi base baphakamisa libhokisi lesivumelwane,

1 Emakhosi 8:3 Referencias Cruzadas

2 Samuweli 6:12

Inkhosi Davide bayitjela batsi: “Simakadze sewuyibusisile indlu yaka-Obedi Edomu, kanye nako konkhe kwakakhe ngenca yelibhokisi lesivumelwane saSimakadze.” Ngako Davide wase uyehla uyawulandza libhokisi lesivumelwane saNkulunkulu ekhaya ka-Obedi Edomu, weta nalo, waliletsa eJerusalema, Lidolobha laDavide, ahamba ajabula.

1 Emakhosi 8:6

Ngako-ke baphristi balingenisa libhokisi lesivumelwane saSimakadze balibeka endzaweni yalo lengekhatsi kakhulu ethempelini, indzawo lengcwelengcwele, bafike balibeka phansi kwemaphiko alamakherubhi.

1 Tikhronike 15:2

Davide wakhuluma watsi: “Kute nome munye ngaphandle kwemaLevi lekufanele etfwale libhokisi lesivumelwane saNkulunkulu, ngobe ngawo lakhetfwa nguSimakadze kutsi amkhonte ngaleyo nkonzo phakadze naphakadze.”

Numeri 4:15

Nase bacedzile bo-Aroni nemadvodzana akhe kumbonya indzawo lengcwele nato tonkhe timphahla tayo, nenkambu yonkhe seyilungele kusuka ihambe, emaKhohati kufanele kube ngiwo letfwalako, kodvwa angatitsintsi letintfo letingcwele, funa afe. “Ngito leto tintfo tasethendeni lekuhlangana letifanele kwetfwalwa ngemaKhohati.

Numeri 7:9

Kodvwa Mosi akawanikanga lutfo emaKhohati, ngobe phela wona bekufanele letintfo letingcwele atetfwale emahlombe awo.

Dutheronomi 31:9

Ngako-ke Mosi wawubhala phansi lomtsetfo, wase uwunika baphristi, emadvodzana aLevi, labetfwala libhokisi lesivumelwane saSimakadze, nabo bonkhe baholi besive saka-Israyeli.

Joshuwa 3:3

bamemetela esiveni, batsi: “Nibotsi ningabona libhokisi lesivumelwane saSimakadze Nkulunkulu wenu letfwelwe baphristi labangemaLevi, bese niyatfutsa etindzaweni tenu nililandzele.

Joshuwa 3:6

Joshuwa wakhuluma kubaphristi, watsi: “Tsatsani libhokisi lesivumelwane, newele kucala embikwebantfu.” Ngako balitsatsa lelibhokisi lesivumelwane, bahamba embikwebantfu.

Joshuwa 4:9

Joshuwa wemisa lamatje lali-12 labesekhatsi neJordane, lapho bekume khona baphristi lababetfwele libhokisi lesivumelwane; asekhona lapho nalamuhla loku.

Joshuwa 6:6

Ngako Joshuwa, umsa waNuni, wabita baphristi wakhuluma kubo, watsi: “Tsatsani libhokisi lesivumelwane saSimakadze, bese kutsi baphristi labasikhombisa baphatse emacilongo lasikhombisa embikwalo.”