1 Emakhosi 8:11 - Siswati 1996 Bible

¹¹ Baphristi abazange basakwati kuchubeka nekwenta inkonzo yabo ngenca yalelo lifu, ngobe inkhatimulo yaSimakadze yaligcwalisa lithempeli lakhe.

1 Emakhosi 8:11 Referencias Cruzadas

1 Emakhosi 8:10

Kwatsi ngesikhatsi baphristi baphuma endzaweni lengcwele, lifu lagcwalisa lithempeli laSimakadze.

1 Emakhosi 8:12

Solomoni wabe sewuyakhuluma, watsi: “Simakadze, wena ushito watsi uyawuhlala efini lelimnyama;

2 Tikhronike 5:14

baphristi abazange basakwati kuchubeka nekwenta inkonzo yabo ngenca yalelo lifu, ngobe inkhatimulo yaSimakadze yagcwalisa lithempeli laNkulunkulu.

Tihlabelelo 90:16

Shangatsi tinceku takho tingake tikubone usebenta, nemandla akho ebukhosi abonakale nasetitukulwaneni tato.

Eksodusi 29:43

Ngitabohlangana lapho nema-Israyeli; lendzawo bese ingcweliswa yinkhatimulo yami.

Eksodusi 40:34

Lifu lasibekela lithende lekuhlangana, inkhatimulo yaSimakadze yagcwalisa lithende lekukhontela.

Eksodusi 40:35

Loko kwenta kutsi Mosi ehluleke kungena ethendeni lekuhlangana, ngobe lifu lase lilisibekele. Lithende lekukhontela lase ligcwele inkhatimulo yaSimakadze.

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Hezekeli 10:4

Inkhatimulo yaSimakadze yase iyesuka etikwemakherubhi, yehlela emnyango welithempeli. Lifu lagcwalisa lithempeli, nesibuya sagcwaliswa bukhatikhati benkhatimulo yaSimakadze.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Hezekeli 44:4

Lendvodza yase ingihola ngendlela yelisango langasenyakatfo ingiyisa embikwelithempeli. Ngatsi ngiyabuka, ngabona inkhatimulo yaSimakadze igcwalisa lithempeli laSimakadze, ngawa ngibhekise buso bami phansi.

Levithikusi 9:23

BoMosi na-Aroni bangena ethendeni lekuhlangana, batsi nase baphuma, babusisa sive, inkhatimulo yebukhosi baSimakadze yabonakala kubo bonkhe bantfu.

Levithikusi 9:6

Mosi wakhuluma kubo watsi: “Simakadze uniyale kutsi konkhe loku nikwente, khona kutawubonakala inkhatimulo yakhe kini.”

Hagayi 2:7

Ngitawunyakatisa tonkhe tive, nako konkhe lokulangatelelwa tive tonkhe kutawufika, ngitawugcwalisa lendlu ngenkhatimulo,’ kusho Simakadze longuSomandla.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Imisebenti yebaPhostoli 7:55

Kodvwa Stefano agcwele Moya Longcwele, wabuka ezulwini wabona bukhatikhati baNkulunkulu, naJesu eme ngasesandleni sekudla saNkulunkulu.

KubaseRoma 9:4

Ema-Israyeli sive saNkulunkulu lasenta emadvodzana akhe. Wawanika sabelo ebukhosini bakhe, watenta nawo tivumelwane, wawanika umtsetfo, nendlela lengiyo yekukhonta ethempelini, wabapha netetsembiso.

2 kubaseKorinthe 3:18

Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

Sembulo 21:11

Lalinenkhatimulo yaNkulunkulu. Kukhanya kwalo kwakumengetela njengelitje leliligugu nalelidule kakhulu; lalinjengejasiphi lecwebetelako.

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.