1 Emakhosi 8:1 - Siswati 1996 Bible

¹ Inkhosi Solomoni yase imema tonkhe timphunga tema-Israyeli kutsi tite eJerusalema, nabo bonkhe baholi betive tema-Israyeli, netinhloko tetindlu tema-Israyeli, kutsi tite enkhosini Solomoni tiletse libhokisi lesivumelwane saSimakadze, lisuke eSiyoni, Lidolobha laDavide.

1 Emakhosi 8:1 Referencias Cruzadas

2 Samuweli 6:6

Batsi nabefika ebaleni lekubhulela lakaNakhoni, letinkhabi takhubatela, ngako Uza welula sandla, wabamba libhokisi lesivumelwane saNkulunkulu.

1 Emakhosi 2:10

Davide wase uyakhotsama, wangcwatjwa eDolobheni laDavide.

1 Emakhosi 3:15

Solomoni wase uyaphaphama. Wabona kutsi abebhudza. Wancandzeka wabuyela eJerusalema, wafike wema embikwelibhokisi lesivumelwane saSimakadze wenta imihlatjelo yekushiswa neyekuthula. Emvakwaloko wase wenta lidzili labo bonkhe bantfu basesigodlweni sakhe.

1 Tikhronike 11:7

Davide wangena wahlala kuleyo nqaba, ngako yabitwa ngekutsi Lidolobha laDavide.

1 Tikhronike 15:25

Ngako Davide, nebaholi bema-Israyeli, netindvuna tetinkhulungwane bahamba bayawutsatsa libhokisi lesivumelwane saSimakadze endlini ya-Obedi Edomu ngekujabula.

1 Tikhronike 15:29

Latsi libhokisi lesivumelwane saSimakadze nalingena eDolobheni laDavide, Mikhali, indvodzakati yaSawula, wabukela avele ngelifasitelo. Watsi nakabona Davide, inkhosi, agidza agubha, wamedzelela enhlitiyweni yakhe.

1 Tikhronike 15:3

Davide wahlanganisa onkhe ema-Israyeli eJerusalema kutsi aletse lelibhokisi lesivumelwane saSimakadze kulendzawo labesayilungiselele lona.

1 Tikhronike 28:1

Davide wabita tonkhe tiphatsimandla taka-Israyeli kutsi tihlanganele eJerusalema: Bekutindvuna letatiphetse tive, netindvuna letatiphetse emabutfo lasingatsa inkhosi, netindvuna tetinkhulungwane, netindvuna temakhulu, netindvuna letatengamele tonkhe timphahla kanye netifuyo tenkhosi, netemadvodzana ayo, kanye netindvuna tasesigodlweni, nemadvodza lanemandla kanye netingwazi temphi.

2 Tikhronike 30:1

Hezekiya watfumela livi kulo lonkhe laka-Israyeli, nelakaJuda, waphindze wabhala tincwadzi atibhalela baka-Efrayimu nebakaManase, abamema kutsi bete ethempelini laSimakadze eJerusalema kutawugubha liPhasika kuSimakadze, Nkulunkulu wema-Israyeli.

Ezra 3:1

Ngenyanga yesikhombisa sive saka-Israyeli sase sitintile sihleti emadolobheni aso; sonkhe sive sahlangana saba njengemuntfu munye eJerusalema.

Tihlabelelo 102:21

kuze bantfu bavakalise libito laSimakadze eSiyoni, neludvumo lwakhe eJerusalema,

Tihlabelelo 9:11

Dvumisani Simakadze lohlala eSiyoni! Tjelani tive ngetento takhe!

Isaya 28:16

Ngako-ke naku lokushiwo nguSimakadze longuSomandla, utsi: “Buka la, ngibeka litje eSiyoni, litje lelihloliwe, litje leliligugu lekusimisa indlu, lelisisekelo lesetsembekile sendlu; lowo lowetsembele kimi ngeke ajabhe.

Isaya 46:13

Ngisondzeta kulunga kwami edvutane, akusekho khashane, nekusindzisa kwami kungeke kwephute. Ngitawupha iSiyoni insindziso, nenkhatimulo yami kuma-Israyeli.”

Numeri 1:4

Kulowo nalowo mndeni niyawucela munye loyinhloko lemelele lowo mndeni kutsi anisite.

Joshuwa 23:2

wabita onkhe ema-Israyeli: tibondza tawo, nebaholi bawo, netikhulu, kanye netindvuna, wakhuluma kuwo, watsi: “Sengimdzala kantsi futsi sengikhulile nangeminyaka.

Joshuwa 24:1

Joshuwa wase uhlanganisa tonkhe tive taka-Israyeli eShekhemu. Wabita tonkhe tibondza, nebaholi, nebehluleli kanye netiphatsimandla taka-Israyeli, batetfula bona matfupha embikwaNkulunkulu.

1 yaPhetro 2:6

Ngobe umBhalo utsi: “Ase nibuke, ngibeka eSiyoni litje lekusimisa indlu, lelikhetsiwe, naleliligugu. Lowo lokholwa kulo, angeke ajabhiswe.”