1 Emakhosi 7:21 - Siswati 1996 Bible

²¹ Wembela tinsika ekungeneni kwemhubhe welithempeli. Kwatsi insika lengaseningizimu wayetsa libito watsi yiJakhini, lena lengasenyakatfo watsi yiBowazi.

1 Emakhosi 7:21 Referencias Cruzadas

2 Samuweli 7:12

Emalanga akho nase aphelile, sewulele kuboyihlomkhulu, ngiyawuvusa umliba wakho kutsi uhlale esihlalweni sakho sebukhosi, loyo loyawuphuma elukhalweni lwakho, ngiyakuwumisa umbuso wakhe.

1 Emakhosi 6:3

Umhubhe lokwakungenwa ngawo wawungemamitha labengaba mane nesigamu budze, ube ngemamitha labengaba yimfica bubanti, bubanti bawo babungangebelithempeli.

1 Emakhosi 7:12

Sibuya lesikhulu sasitungeletwe lubondza lolwalunemitsandvo lemitsatfu yematje lalolongiwe kanye nemtsandvo munye wetingodvo temsedari letijutjwe kahle, njengeyesibuya sangekhatsi ethempelini laSimakadze nemhubhe walo.

1 Emakhosi 7:22

Letingcongwane ngesimo sekubukeka kwato tatinjengetimbali tesiganga. Waphela kanjalo-ke umsebenti wekumiswa kwetinsika.

2 Tikhronike 3:17

Letinsika wase utimbela emnyango walelithempeli, lenye ngaseningizimu, lenye ngasenyakatfo. Lena lengaseningizimu wayetsa libito watsi nguJakhini, lena lengasenyakatfo watsi nguBowazi.

2 Tikhronike 4:13

nalamahananandza labengema-400 aletinhlu letimbili tetiviliya, tinhlu letimbili temahananandza tesiviliya sisinye, tatihlobise letingcongwane letatisasitja letatisetihlokweni taletinsika,

Isaya 45:24

Bayawukhuluma ngami, batsi: ‘KuSimakadze kuphela kunekulunga nemandla.’ ” Bonkhe labemelene naye bayawuta kuye badliwe ngemahloni.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Matewu 16:18

Nami-ke ngitsi: UnguPhetro . Etikwalelidvwala ngiyakulakha libandla lami, nemandla ekufa angeke alehlule.

KubaseGalathiya 2:9

Batsi kube boJakobe, naPhetro, naJohane, labebatiwa ngekutsi batinsika, babone umusa lengiwuphiwe banika tsine naBhanabasi sandla sekudla sebudlelwane kutsi siye kubetive, bona baye kumaJuda.

Sembulo 3:12

“ ‘Loncobako ngiyawumenta insika ethempelini laNkulunkulu wami, angeke aphume kulo, ngiyawubhala kuye libito laNkulunkulu wami, ngibhale nelibito lemuti waNkulunkulu wami, iJerusalema lensha leyehla iphuma ezulwini kuNkulunkulu wami, nelibito lami lelisha ngilibhale kuye.

Ruthe 2:19

Nawomi wabuta Ruthe watsi: “Lamuhla bewukhwimita kuphi? Bewusebenta kuphi? Ubusisiwe lowo muntfu lokunakile!” Ruthe waphendvula watsi: “Lamuhla bengisebenta ensimini yemuntfu lekutsiwa nguBowazi.”

Ruthe 4:21

Salmoni watala Bowazi; Bowazi watala Obedi;