1 Emakhosi 7:2 - Siswati 1996 Bible

² Wakha indlu lekwakutsiwa Lihlatsi laseLebanoni. Yayingemamitha labengaba ngema-46 budze, nemamitha labengaba ngema-23 bubanti, nemamitha labengaba li-13 nesigamu kuphakama. Yayinetinhlu letintsatfu tetinsika nemishayo yemsedari leyayisetikwato.

1 Emakhosi 7:2 Referencias Cruzadas

1 Emakhosi 10:17

Inkhosi yaphindze yenta lamanye emahawu lamancane langema-300 ngegolide legcotjiwe; lilinye lalakhiwe ngegolide leyayingemakhilogremu labengaba mabili. Inkhosi yawabeka endlini yayo yeLihlatsi laseLebanoni.

1 Emakhosi 10:21

Tonkhe tindzebe taSolomoni tekunatsa tatentiwe ngegolide, kantsi tonkhe tintfo talapha endlini yeLihlatsi laseLebanoni tatentiwe ngegolide lecengekile. Kute nakunye lokwakwentiwe ngesiliva, ngobe isiliva yayingakabaluleki kakhulu ngaleto tikhatsi taSolomoni.

1 Emakhosi 7:3

Yayifulelwe ngemsedari ngetulu kwalemishayo leyayisetikwaletinhlu letintsatfu, imishayo leli-15 luhlu lulunye; setitonkhe letinhlu kwaba ngimishayo lengema-45.

1 Emakhosi 9:1

Watsi kube Solomoni acedze kwakha lithempeli laSimakadze kanye nesigodlo sakhe, asakufeze konkhe labefise kukwenta,

1 Emakhosi 9:19

wakha onkhe emadolobha lapho abenetingungu khona, kanye nemadolobha etincola takhe nemahhashi akhe, nako konkhe labefisa kukwakha eJerusalema, naseLebanoni, nakulo lonkhe lelo live labelibusa.

2 Tikhronike 9:16

Inkhosi yaphindze yakha lamanye emahawu lamancane langema-300, nawo yawakha ngegolide legcotjiwe; lilinye lalakhiwe ngegolide leyayingemakhilogremu labengaba matsatfu. Inkhosi yawabeka endlini yayo yeLihlatsi laseLebanoni.

Ingoma Yetingoma 7:4

Intsamo yakho injengembhoshongo lowakhiwe ngematinyo endlovu. Emehlo akho angemachibi aseHeshboni ngasesangweni laseBhathi Rabhimu. Likhala lakho linjengembhoshongo waseLebanoni lobuke ngaseDamaseko.

Isaya 22:8

Juda sewemukwe tonkhe tivikelo takhe. Ngaleso sikhatsi nahlola tikhali taseNdlini Yelihlatsi.