1 Emakhosi 7:16 - Siswati 1996 Bible

¹⁶ Wase wakha netingcongwane letimbili taletinsika telitfusi, watibeka etikwetinhloko taletinsika; iyinye ingcongwane yayingemamitha labengaba mabili nesigamu kuphakama.

1 Emakhosi 7:16 Referencias Cruzadas

1 Emakhosi 7:15

Wagcumeka tinsika letimbili telitfusi, iyinye yayingemamitha labengaba siphohlongo budze, nemamitha labengaba sihlanu nesigamu bucinsi bayo ngentsambo yekulinganisa.

1 Emakhosi 7:17

Wenta siviliya setinketane letincane letephotselwe kahle titsandzelwe kuletingcongwane taletinsika, ingcongwane yinye inaletisikhombisa.

Eksodusi 36:38

Benta tinsika temgamba letatisihlanu nemahhuka ato; tihloko tetinsika nemakabha bakwembesa ngegolide. Benta nemaseko ato lasihlanu ngelitfusi.

Eksodusi 38:17

Emaseko aletinsika abengewelitfusi, kodvwa emahhuka aletinsika nemigcala yato bekukwesiliva, netihloko taletinsika betembeswe ngesiliva. Tonkhe letinsika talesibuya tatinemigcala yesiliva.

Eksodusi 38:19

Yayilengiswe etinsikeni letine letatisinyiswe emasekweni lamane; konkhe kwakwentiwe ngelitfusi. Kodvwa emahhuka aletinsika, nalemigcala yato bekukwesiliva, netihloko taletinsika tatembeswe ngesiliva.

Eksodusi 38:28

Isiliva leyasala yayingemakhilogremu labengaba ngema-30, Besaleli wayisebentisa ekwakheni emahhuka etinsika, nasekwembeseni tihloko taletinsika kanye nemigcala yato.

Jeremiya 52:22

Lengcongwane yaletinsika iyinye yayingaba ngemamitha lamabili nesigamu kuphakama, yayihlotjiswe ngesiviliya nangemahananandza elitfusi layitungeletile. Nalena lenye insika nalamahananandza yayifanana nayo yekucala.