1 Emakhosi 5:9 - Siswati 1996 Bible

⁹ Lamadvodza akami atatidvonsa atewuse kusuka eLebanoni kuya elwandle, ngitawube sengiyatibopha ngitintantise elwandle ngeminyaba yato, ngiye ngitibeke lapho ufuna khona. Lapho ngitawube sengiyatehlukanisa ngitibeka eceleni, wena bese uyatitsatsa. Lengikucelako kuwe kutsi ungiphe kudla kwendlu yebukhosi bami.”

1 Emakhosi 5:9 Referencias Cruzadas

1 Emakhosi 3:12

ngitakunika loko lokucelile. Ngitakunika inhlitiyo lehlakaniphile nengcondvo lehlutekile kanye nelwati loluphelele, kangangekutsi akusayikuphindze kube khona lonjengawe, futsi akazange asabekhona kucala kunawe.

1 Emakhosi 4:20

Bantfu bakaJuda nebaka-Israyeli bebabanyenti bangangesihlabatsi saselwandle, babedla, banatse, bajabule.

1 Emakhosi 5:10

Ngempela Hiramu watfumelela Solomoni tonkhe tingodvo temisedari netetipheshula labetidzinga,

1 Emakhosi 5:8

Ngako Hiramu naye watfumela livi enkhosini Solomoni, watsi: “Ngiwemukele lowo mlayeto longitfumelele wona, nami ngitakwenta konkhe loko lokufunako ngekukugawulela tingodvo temisedari kanye netipheshula.

1 Emakhosi 9:27

Hiramu watfumela emadvodza akakhe, ematilosi labenelwati ngetaselwandle, kutsi asebente kanye nemadvodza akaSolomoni kuleyo mikhumbi.

2 Tikhronike 1:15

Inkhosi yenta kutsi isiliva negolide yandze eJerusalema, yaze yafanana nelukhetse, nemisedari yayiminyenti njengetihlahla temakhiwa emaceleni etintsaba.

2 Tikhronike 2:16

Tsine sitatigawula tonkhe tingodvo lotifunako taseLebanoni, bese sitintantisa ngeminyaba yato lapha elwandle tiye eJopha. Nine-ke nitabe senitenyula lapho nitimikise eJerusalema.”

2 Tikhronike 9:22

Inkhosi Solomoni yaba yinkhulu ngebunjinga nangekuhlakanipha, yendlula onkhe emakhosi emhlaba.

Ezra 3:7

Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.

Jobe 32:8

Kodvwa umoya lokumuntfu, kuphefumula kwaSomandla, lokunika umuntfu kucondza.

Umshumayeli 1:16

Ngaticabangela ngatsi: “Mine ngikhulile, ngacokelela incumbi yekuhlakanipha, ngabendlula bonkhe labase babusela eJerusalema ngaphambi kwami; sengikubone kakhulu kuhlakanipha kanye nelwati.”

Hezekeli 27:17

“ ‘Bahwebi bakaJuda nebaka-Israyeli babetsengiselana nawe; babekutsengisela timphahla takho ngakolo labephuma eMinithi, nangabojece, nangeluju lwetinyosi, nangemafutsa, nangebhalisamu.

Imisebenti yebaPhostoli 12:20

Wabatfukutselela kakhulu Herodi bantfu baseThire naseSidoni; ngako-ke baya kanyekanye bayawubonana naye. Kwekucala bavumelana naBlastusi, labengumgcini wesigodlo. Baya kuHerodi bayawucela kuthula, ngobe live labo lalitfola kudla eveni lakhe.

Dutheronomi 3:25

Ngicela kwewela ngiyewubona lelive lelihle lelingesheya kweJordane, live lelihle letintsaba, kanye neLebanoni.’