1 Emakhosi 5:6 - Siswati 1996 Bible

⁶ “Ngako ngicela utfumele emadvodza kutsi aye eLebanoni ayekungigawulela imisedari. Emadvodza akami atawubambisana nalawo akakho, kantsi ngitawakhokhela lawo madvodza akakho, nome ngabe ufuna malini yekuwaholela. Nawe uyati kutsi asinabo labangaba nelikhono ekugawuleni imisedari kwendlula emaSidoni.”

1 Emakhosi 5:6 Referencias Cruzadas

Genesisi 10:15

Khenani watubula ngaSidoni, welamisa ngaHethi,

1 Emakhosi 10:26

Solomoni wabutsela ndzawonye tincola temphi nemahhashi; abenetincola temphi letatiyi-1 400, nemahhashi labeti-12 000, labewagcine emadolobheni etincola temphi, kanye naseJerusalema, lapho abehlala khona.

1 Emakhosi 5:7

Watsi kube Hiramu ayive lenkhulumo yaSolomoni, wajabula kakhulu, wase utsi: “Akabongwe Simakadze lamuhla, ngobe uphe Davide indvodzana lehlakaniphile kutsi ibuse lesive lesikhulu.”

1 Emakhosi 6:16

Likamelo lelisekhatsi, lekuyindzawo lengcwelengcwele, walakha ngemapulango emsedari endzaweni lengasemuva ethempelini, laba ngemamitha labengaba yimfica, kusuka phansi esiyilweni kuye etulu kusilingi.

1 Emakhosi 6:20

Lendzawo yayingemamitha labengaba yimfica budze, nemamitha labengaba yimfica bubanti, nemamitha labengaba yimfica kuphakama. Lonkhe lingekhatsi walembesa ngegolide lecengekile. Lilati nalo walembesa ngemsedari yonkhe indzawo.

1 Emakhosi 9:19

wakha onkhe emadolobha lapho abenetingungu khona, kanye nemadolobha etincola takhe nemahhashi akhe, nako konkhe labefisa kukwakha eJerusalema, naseLebanoni, nakulo lonkhe lelo live labelibusa.

1 Emakhosi 9:27

Hiramu watfumela emadvodza akakhe, ematilosi labenelwati ngetaselwandle, kutsi asebente kanye nemadvodza akaSolomoni kuleyo mikhumbi.

1 Tikhronike 22:4

Waletsa futsi naletinyenti tingodvo temisedari, nato tatingenakubalwa, tona-ke tatiletfwe ngemaSidoni nebaseThire kuDavide.

2 Tikhronike 1:14

Solomoni wabutsela ndzawonye tincola temphi nemahhashi; abenetincola temphi letatiyi-1 400, nemahhashi labeti-12 000, labekugcine emadolobheni etincola temphi, kanye naseJerusalema, lapho abehlala khona.

2 Tikhronike 2:10

Ngitawunika tisebenti takakho, lamadvodza latawugawula letingodvo, kolo losiliwe longemathani langaba ti-2 000, nebhali lengemathani langaba ti-2 000, neliwayini lelingemalitha langaba ti-400 000, nemafutsa emncumo langemalitha langaba ti-400 000.”

2 Tikhronike 2:8

“Ngitfumelele kanye nemisedari, netipheshula, netingodvo te-almugi taseLebanoni, ngobe ngiyati kutsi lamadvodza akakho aceceshekile ekugawuleni tingodvo lapho. Emadvodza akami atawubambisana nalawo akakho,

Ezra 3:7

Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.

Tihlabelelo 29:5

Liphimbo laSimakadze lifohlota tihlahla temisedari, Simakadze ufohlota imisedari yaseLebanoni.

Zakhariya 11:12

Ngabatjela laba labatsengiselana ngetimvu, ngatsi: “Nangabe nibona kuncono kakhulu loko, ngiholeleni; kodvwa nangabe anikuboni loko, lowo mholo wugcineni.” Ngako bangiholela tinhlavu letingema-30 tesiliva.

KubaseRoma 12:17

Ningabuyiseli kunobe ngubani lokubi ngalokubi, kodvwa yentani lokubonakala kukuhle emehlweni abo bonkhe bantfu.

Kubase-Efesu 4:7

Kepha ngulowo nalowo emkhatsini wetfu uphiwe umusa ngekwesilinganiso sesipho saKhristu.

Dutheronomi 17:16

Leyo nkhosi futsi akukafaneli ifune kuba nemahhashi lamanyenti langewayo, nome yente bantfu badzimate bancandzeke babuyele eGibhithe kuyawulandza lamanye, ngobe phela Simakadze wanitjela watsi: ‘Ningaphindzi nincandzeke nihambe ngaleyo ndlela futsi.’

KubaseFiliphi 4:8

Lekugcina, bazalwane, gcwalisani tinhlitiyo tenu ngako konkhe lokuliciniso, nangako konkhe lokuhloniphekako, nangako konkhe lokulungile, nangako konkhe lokumhlophe, nangako konkhe lokutsandzekako, nangako konkhe lokutusekako. Nome ngabe kukhona lokuhle, nome ngabe kukhona lokubongekako, cabangani ngaloko.