1 Emakhosi 5:10 - Siswati 1996 Bible

¹⁰ Ngempela Hiramu watfumelela Solomoni tonkhe tingodvo temisedari netetipheshula labetidzinga,

1 Emakhosi 5:10 Referencias Cruzadas

2 Samuweli 5:11

Hiramu, inkhosi yaseThire, watfumela titfunywa kuDavide, kanye netingodvo temsedari, nebabati kanye nebacoti bematje, bafike bakha sigodlo saDavide.

1 Emakhosi 5:1

Watsi kube Hiramu, inkhosi yaseThire, eve kutsi Solomoni sewugcotjiwe kutsi atsatse sikhundla seyise Davide, watfumela emancusa akhe kuSolomoni, ngobe abeloku angumngani waDavide.

1 Emakhosi 5:11

naSolomoni wanika Hiramu kudla lokwakungukolo labengemathani labengaba ti-2 000 kwebantfu bakhe, kanye nemalitha labengaba ti-400 000 emafutsa lahlutiwe emncumo. Solomoni wachubeka kukwenta loko kuHiramu umnyaka ngemnyaka.

1 Emakhosi 5:9

Lamadvodza akami atatidvonsa atewuse kusuka eLebanoni kuya elwandle, ngitawube sengiyatibopha ngitintantise elwandle ngeminyaba yato, ngiye ngitibeke lapho ufuna khona. Lapho ngitawube sengiyatehlukanisa ngitibeka eceleni, wena bese uyatitsatsa. Lengikucelako kuwe kutsi ungiphe kudla kwendlu yebukhosi bami.”

2 Tikhronike 2:8

“Ngitfumelele kanye nemisedari, netipheshula, netingodvo te-almugi taseLebanoni, ngobe ngiyati kutsi lamadvodza akakho aceceshekile ekugawuleni tingodvo lapho. Emadvodza akami atawubambisana nalawo akakho,

Isaya 19:11

Tiphatsimandla taseSowani atisilo lutfo, kuphela nje, titibhungayeti; beluleki labahlakaniphile bakaFaro beluleka ngeteluleko letingenangcondvo. Ungasho kanjani kuFaro utsi: “Ngingulomunye walabahlakaniphile, intalo yemakhosi akadzeni”?

Tikhulu 6:3

Kwakutsi njalo ema-Israyeli nakahlanyele tilimo tawo, achamuke emaMidiyani, nema-Amaleki, naletinye tive tangasemphumalanga tilihlasele live.