1 Emakhosi 4:6 - Siswati 1996 Bible

⁶ Ahishari abeyindvuna yasesigodlweni, Adoniramu, umsa wa-Abda, abeyindvuna yemisebenti yemimemo.

1 Emakhosi 4:6 Referencias Cruzadas

2 Samuweli 20:24

Adoniramu yena abengamele yonkhe imisebenti yencindzetelo. Jehoshafati, umsa wa-Ahiludi, abengulobhalisako.

1 Emakhosi 12:18

Inkhosi Rehobowamu yatfumela Adoniramu, labeyindvuna yalababentiswa imisebenti lematima, kodvwa ema-Israyeli amtselekela onkhe, amgcoba ngematje, waze wafa. Inkhosi Rehobowamu noko yaphumelela kugibela encoleni yayo, yabaleka yaya eJerusalema.

1 Emakhosi 4:5

Azariya, umsa waNathani, abeyindvuna yetikhulu temimango; Zabudi, umsa waNathani, yena abengumphristi nemeluleki wenkhosi.

1 Emakhosi 4:7

Solomoni abephindze abe netikhulu letili-12 letatiphetse etigodzini taka-Israyeli, ngito-ke letatetfula kudla enkhosini nakuso sonkhe sigodlo sayo. Nguleso naleso sikhulu kwakufanele sitekwetfula kudla kwasesigodzini saso ngenyanga yinye njalo ngemnyaka.

1 Emakhosi 9:15

Lona ngumlandvo wenkhosi Solomoni ngekubutsekisa kwakhe bantfu nekubasebentisa kwakhe ngenkhani ekwakheni lithempeli laSimakadze, nesigodlo sakhe, nasekwakheni tibebesi, nasekwakheni lubondza lwaseJerusalema, neHasori, neMegido kanye neGezeri.

2 Tikhronike 10:18

Inkhosi Rehobowamu watfumela Adoniramu labeyindvuna yalababentiswa imisebenti lematima, kodvwa ema-Israyeli amtselekela, amgcoba ngematje, waze wafa. Noko inkhosi Rehobowamu yaphumelela kugibela encoleni yayo yemphi, yabaleka yacondza eJerusalema.

2 Tikhronike 8:8

titukulwane tabo letatisele kulelive, bonkhe labebangakabulawa ngema-Israyeli, labo-ke Solomoni wababutsa entela kutsi bahlehle kuye ngekwenta imisebenti lematima, njengobe kusenjalo nje nalamhla loku.