1 Emakhosi 4:22 - Siswati 1996 Bible

²² Kudla kwaSolomoni kwelilanga ngelilanga kwakuba ngufulaha labengemalitha labengaba ti-5 000, nemphuphu leyayingemalitha labengaba ti-10 000,

1 Emakhosi 4:22 Referencias Cruzadas

1 Emakhosi 10:5

nekudla labekudla etafuleni lakhe, nekuhlaliswa kwetindvuna takhe, netembatfo tetinceku takhe, netebaphatsi betindzebe takhe tekunatsa, neminikelo yekushiswa labeyenta ethempelini laSimakadze, yamangala yaphela emandla.

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

1 Emakhosi 4:23

netinkhomo letatikhuluphalisiwe letilishumi, netinkhomo temadlelo letingema-20, netimvu netimbuti letilikhulu, nenyamatane, netimphala, nemadvuba, kanye netinkhukhu telikhetselo.

1 Emakhosi 5:11

naSolomoni wanika Hiramu kudla lokwakungukolo labengemathani labengaba ti-2 000 kwebantfu bakhe, kanye nemalitha labengaba ti-400 000 emafutsa lahlutiwe emncumo. Solomoni wachubeka kukwenta loko kuHiramu umnyaka ngemnyaka.

2 Tikhronike 9:4

nekudla labekudla etafuleni lakhe, nekuhlaliswa kwetindvuna takhe, netembatfo tetinceku takhe, netebaphatsi betindzebe takhe tekunatsa, neminikelo yekushiswa labeyenta ethempelini laSimakadze, yamangala, yaphela emandla.

Nehemiya 5:18

Lilanga ngelilanga ngangihlatjelwa inkhabi yinye, netimvu telikhetselo letisitfupha, netinkhukhu letinyenti; bese njalo nje kanye ngemalanga lalishumi kukhishwe tinhlobonhlobo teliwayini lelinyenti. Nome kunjalo, angizange ngiphocelele muntfu kutsi ngabelwe kudla lokufanele umbusi, ngobe letibito tatingaba matima kakhulu kulabantfu.

Taga 24:4

ngelwati tindlu tigcwaliswe ngemicebo lemihle lengakavami.

Umshumayeli 5:11

Ngekwandza kwetimphahla, nalabo labatisebentisako bayandza. Pho, timsita ngani-ke lomnikati ngaphandle kwekutsi atitsaphe ngemehlo?

Danyela 1:5

Inkhosi yawehlukanisela sabelo sekudla kwawo onkhe emalanga neseliwayini lasetafuleni lenkhosi. Bekufanele aceceshwe iminyaka lemitsatfu, emvakwaloko bese angena emsebentini wenkhosi.

1 Samuweli 8:12

Lamanye awo itawabeka abe tindvuna tetinkhulungwane, lamanye abe tindvuna tema-50, lamanye alime emasimini ayo aphindze awavune, lamanye ente tikhali temphi kanye netimphahla tetincola.