1 Emakhosi 3:4 - Siswati 1996 Bible

⁴ Inkhosi yahamba yaya eGibeyoni yayawunikela ngemihlatjelo, ngobe leyo bekunguyona ndzawo lephakeme lemcoka. Solomoni-ke wanikela ngenkhulungwane yeminikelo yekushiswa kulelo lati.

1 Emakhosi 3:4 Referencias Cruzadas

1 Emakhosi 8:4

betfwala lelibhokisi lesivumelwane saSimakadze kanye nelithende lekuhlangana kanye nato tonkhe tintfo letingcwele takhona. Betetfwelwe baphristi nemaLevi.

1 Emakhosi 8:63

Solomoni wanikela ngemhlatjelo wekuthula kuSimakadze: Tinkhomo letatiti-22 000 netimvu letatiti-120 000 tihlangene netimbuti. Inkhosi yalinikela kanjalo-ke lithempeli laSimakadze, ikanye nesive sema-Israyeli.

1 Emakhosi 9:2

Simakadze waphindza watibonakalisa kuye kwesibili, njengobe abebonakele kuye eGibeyoni.

1 Tikhronike 16:39

Davide washiya Sadoki, umphristi, kanye nebaphristi labenabo embikwelithende laSimakadze endzaweni lephakeme eGibeyoni,

1 Tikhronike 21:29

Lithende laSimakadze lelalakhiwe nguMosi ehlane nelilati lemnikelo wekushiswa, ngaleso sikhatsi kwakusendzaweni lephakeme, eGibeyoni.

2 Tikhronike 1:2

Solomoni wase ukhuluma kuwo onkhe ema-Israyeli: etindvuneni tetinkhulungwane, netemakhulu, nakubehluleli, nakubo bonkhe baholi besive sema-Israyeli, tinhloko temindeni.

2 Tikhronike 1:3

Solomoni kanye nalo lonkhe libandla bahamba baya endzaweni lephakeme leyayiseGibeyoni, ngobe phela lithende lekuhlangana laNkulunkulu lalikhona lapho. Lelo thende ngulelo lelalakhiwe nguMosi, inceku yaNkulunkulu, basesehlane.

2 Tikhronike 30:24

Hezekiya, inkhosi yakaJuda, waletsa kulelibandla tinkunzi letiyinkhulungwane, netimvu netimbuti letiti-7 000, kwase kutsi letiphatsimandla tona taletsa tinkunzi letiyinkhulungwane netimvu netimbuti letiti-10 000. Baphristi labanyenti base batingcwelisa bona matfupha.

2 Tikhronike 7:5

Inkhosi Solomoni yanikela ngemhlatjelo wetinkhomo letatiti-22 000, netimvu letatiti-120 000 tihlangene netimbuti. Inkhosi yalinikela kanjalo-ke lithempeli laNkulunkulu, ikanye nesive.

Isaya 40:16

Lihlatsi laseLebanoni alikaweneli umlilo wemalati, netifuyo talo atikaweneli umnikelo wekushiswa.

Jeremiya 28:1

Ngenyanga yesihlanu kuwo lowo mnyaka, umnyaka wesine, ekucaleni nje kwekubusa kwaSedekiya, inkhosi yakaJuda, umphrofethi Hananiya, umsa wa-Azuri, waseGibeyoni, wakhuluma kimi asendlini yaSimakadze embikwebaphristi kanye nabo bonkhe bantfu, watsi:

Joshuwa 10:2

Adoni Sedeki nebantfu bakhe betfuka kakhulu ngaloko, ngobe iGibeyoni bekungulona dolobha lelibalulekile njengalelinye lemadolobha ebukhosi, lona lalilikhulu kunelase-Ayi, nemadvodza alo bekutingwazi letatiwako.

Joshuwa 18:21

Sive sakaBhenjamini lusendvo ngelusendvo, sasinalamadolobha lalandzelako: BekuyiJerikho, neBhethi Hogla, ne-Emeki Khesisi,

Joshuwa 9:3

Kodvwa satsi sive saseGibeyoni kube sive kutsi Joshuwa kanye nema-Israyeli wentani eJerikho nase-Ayi,

1 Samuweli 13:9

Sawula watsi: “Ngiletseleni umhlatjelo wekushiswa kanye nemnikelo wekuthula.” Sawula wanikela ngemnikelo wekushiswa.