1 Emakhosi 3:2 - Siswati 1996 Bible

² Bantfu noko babesolomane basanikela ngemihlatjelo etindzaweni letiphakeme, ngobe lithempeli lalisolomane lingakapheli kwakhiwa, lakhelwe Libito laSimakadze.

1 Emakhosi 3:2 Referencias Cruzadas

1 Emakhosi 14:23

Batakhela tindzawo letiphakeme tekukhonta tithico, netinsikamatje tato lekwakutsiwa tingcwele kanye netinsika ta-Ashera eticongweni tato tonkhe tintsaba letiphakeme nangaphansi kwato tonkhe tihlahla letendlala emagala ato.

1 Emakhosi 15:14

Nome Asa angazange atisuse letindzawo letiphakeme tekukhontela tithico, kodvwa noko inhlitiyo yakhe yayitinikele ngalokuphelele kuSimakadze imphilo yakhe yonkhe.

1 Emakhosi 22:43

Kuko konkhe Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze. Noko tindzawo letiphakeme tekukhontela tithico akazange atisuse, ngako bantfu babesachubeka nekwentela kuto imihlatjelo batfuncise netimphepho.

1 Emakhosi 22:44

Jehoshafati futsi abehlalisene ngekuthula nenkhosi yaka-Israyeli.

1 Emakhosi 5:3

“Nawe uyati kutsi ngenca yetimphi letatihlasela babe Davide yonkhe indzawo, wehluleka kwakha lithempeli lekukhontela Simakadze Nkulunkulu wakhe, ngesikhatsi Simakadze asengakatibeki titsa takhe ngaphansi kwetinyawo takhe.

2 Emakhosi 12:4

Jowashi wakhuluma kubaphristi, watsi: “Butsani yonkhe imali yeminikelo lengcwele leletfwa ethempelini laSimakadze: imali lebutfwa ngangekwesilinganiso semuntfu, nemali leyemukelwa etifungweni letentiwa ngumuntfu ngamunye, nemali yeminikelo yesihle leletfwa ethempelini.

2 Tikhronike 15:17

Nome Asa angazange atisuse letindzawo letiphakeme tekukhontela tithico ka-Israyeli, noko inhlitiyo yakhe yayitinikele ngalokuphelele kuSimakadze ekuphileni kwakhe konkhe.

2 Tikhronike 33:17

Noko bantfu bona bachubeka kwenta imihlatjelo etindzaweni letiphakeme lababekhonta kuto tithico, kodvwa babeyentela Simakadze, Nkulunkulu wabo, yena yedvwa.

Tihlabelelo 78:58

Bamtfukutselisa ngetindzawo tabo temalati, lapho bakhonta khona tithico tabo letibatiwe, loko kwamenta waba nesikhwele.

Levithikusi 26:30

Ngiyawubhidlita tindzawo tenu tekukhontela, ngidzilite nemalati enu etimphepho, tidvumbu tenu ngitibutsisele ndzawonye etikwetithico tenu letite imphilo naletiwile; umphefumulo wami uyawunicansukela.

Dutheronomi 12:13

Nicaphele ninganikeli iminikelo yenu yekushiswa kunome nguyiphi indzawo leniyitsandzako.

1 Samuweli 9:12

Abaphendvula atsi: “Ukhona, nilandzela yena nje. Sheshisani manje usandza kufika lamuhla kulelidolobha lakitsi, ngobe bantfu banemnikelo wemhlatjelo lena elatini endzaweni lephakeme.