1 Emakhosi 22:4 - Siswati 1996 Bible

⁴ Ngako yabuta Jehoshafati, yatsi: “Ungahamba yini nami siyekulwa neRamothi yaseGileyadi?” Jehoshafati waphendvula inkhosi yaka-Israyeli, watsi: “Mine ngifanana nawe, bantfu bami banjengebantfu bakho, nemahhashi ami anjengemahhashi akho.”

1 Emakhosi 22:4 Referencias Cruzadas

1 Emakhosi 22:29

Ngako-ke Ahabi, inkhosi yaka-Israyeli, kanye naJehoshafati, inkhosi yakaJuda, base bayakhuphuka baya eRamothi Gileyadi.

1 Emakhosi 22:5

Kodvwa Jehoshafati wachubeka wakhuluma enkhosini yaka-Israyeli, watsi: “Cala kucala ufune seluleko saSimakadze.”

1 Emakhosi 4:13

Bheni Geberi abesikhulu saseRamothi Gileyadi: Imithi yakaJayire, umsa waManase, eGileyadi, beyiyakhe kanye nesifundza sase-Agobu, eBhashani, kanye nemadolobha aso labengema-60 labiyelwe ngetibondza letinemasango lavalwa ngemishudvo yelitfusi.

2 Emakhosi 3:7

Waphindze watfumela umlayeto kuJehoshafati, inkhosi yakaJuda, watsi: “Inkhosi yakaMowabi seyingivukele. Ungete wangelekelela yini uhambe nami siyekulwa naMowabi?” Waphendvula watsi: “Ngitakuhamba nawe. Mine nginguwe, nesive sami sakho, kantsi futsi nemahhashi ami ngakho.”

2 Tikhronike 18:3

Ahabi, inkhosi yaka-Israyeli, wabuta Jehoshafati, inkhosi yakaJuda, watsi: “Ungahamba yini nami siyekulwa neRamothi Gileyadi?” Jehoshafati wamphendvula, watsi: “Mine ngifanana nawe, bantfu bami banjengebantfu bakho, sitawuhamba nawe siyewuhlasela.”

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

Taga 13:20

Lohambisana nebantfu labahlakaniphile naye ugcina asahlakaniphile; kodvwa umngani wetilima uyawuhlupheka.

1 kubaseKorinthe 15:33

Ningayengeki: “Bangani lababi bonakalisa similo lesihle.”

Kubase-Efesu 5:11

Ningahlanganyeli emisebentini yebumnyama, lete titselo, kunaloko niboyeneka ebaleni.

2 yaJohane 1:11

ngobe umuntfu lombingelelako ubambisana naye emisebentini yakhe lemibi.

Sembulo 2:26

“ ‘Lowo loncobako ente intsandvo yami kuze kubesekupheleni ngiyawumnika emandla etikwetive,