1 Emakhosi 21:3 - Siswati 1996 Bible

³ Kodvwa Nabothi wamphendvula, watsi: “Simakadze akasungivumela kutsi ngikunike lifa labobabemkhulu.”

1 Emakhosi 21:3 Referencias Cruzadas

Genesisi 44:17

Josefa watsi: “Cha, ngingeke ngikwente loko! Sigcili sami kutawuba ngulona lekutfolakale kuye indzebe. Kodvwa nine labanye hambani ngekuthula niye kuyihlo.”

Genesisi 44:7

Lamadvodza aphendvula atsi: “Usho kutsini-ke, mnumzane, nawukhuluma kanje? Siyafunga kutsi besingeke siyente tsine intfo lenjalo.

1 Tikhronike 11:19

Davide watsi: “Nkulunkulu akangavumi kutsi ngikwente loku! Kufanele yini kutsi nginatse ingati yalamadvodza latilahle ematsambo ngemphilo yawo?” Njengobe abetilahle ematsambo ngemphilo yawo ngekumkhelela lamanti, Davide akazange awanatse. Nguleto-ke tento taletingwazi letintsatfu.

Jobe 27:5

Ngingeke ngivume kutsi loko lenikushoko kuliciniso, ngiyawuze ngife ngingakehlukani nebucotfo bami.

Hezekeli 46:18

Umbusi lobusako akufanele emuke ngenkhani bantfu bakhe live labo. Live layakulipha emadvodzana akhe kufanele kube nguleliyincenye yelive lakhe, lelisabelo sakhe, khona angayiwuze acindzetele bantfu bami ngekubemuka live labo.’ ”

Levithikusi 25:23

“ ‘Indzawo aniyiwuyitsengisa siphelane, ngobe phela lelive ngelami, nine nitihambi nebacashi bami.

Numeri 36:7

Kute lifa lelingumhlaba lekuyawuphiwana ngalo ka-Israyeli lisuke kulesinye sive liye kulesinye sive, ngobe wonkhe um-Israyeli uyawuligcina lelo live lalitfola kubokhokho bakhe.

Numeri 36:9

Kute lifa lelilive leliyakwendluliswa lisuswe kulesinye sive liye kulesinye sive, ngobe nguleso naleso sive siyawutigcinela lifa laso.”

KubaseRoma 3:31

Pho, siyawulahla yini umtsetfo ngalokukholwa? Cha, asiwulahli, esikhundleni saloko siyawusekela umtsetfo.

KubaseRoma 3:4

Cha, akusho loko. Nkulunkulu wetsembekile, nome bonkhe bantfu bangaba nemanga, njengobe kubhaliwe kutsi: “Kukhuluma kwakho kuyabonakalisa kutsi uneliciniso; nawubekwa licala, utfolakala umsulwa.”

KubaseRoma 3:6

Cha, akunjalo. Pho, nangakalungi Nkulunkulu, angawehlulela kanjani umhlaba?

KubaseRoma 6:15

Pho-ke, sitakona yini, ngobe singekho ngaphansi kwemtsetfo, singaphansi kwemusa? Cha, ngeke.

KubaseRoma 6:2

Cha, akungabi njalo. Tsine lesesafa sehlukana nesono, pho, singachubeka kanjani siphile kuso?

KubaseRoma 7:13

Pho, loko lokuhle kwaletsa kufa yini kimi? Cha, akuzange. Loko kwentiwa sono, ngobe ngekusebentisa lokuhle sangiletsela kufa, khona kutekwembuleka sono kutsi sisono. Ngobe ngemyalo sono sibonakaliswa sisono kakhulu.

KubaseRoma 7:7

Pho, siyawutsini-ke? Sitakutsi umtsetfo usono? Cha, awusiso. Kodvwa-ke sono ngabe angizange ngisati kutsi siyini kube akufikanga umtsetfo. Ngabe angizange sengati nekutsi kuyini kona kufisa kube umtsetfo awuzange usho kutsi: “Ungafisi.”

1 kubaseKorinthe 6:15

Anati yini kutsi imitimba yenu ititfo taKhristu? Pho, ngingatsatsa titfo taKhristu ngitente titfo tengwadla nome tesiphingi? Cha, ngeke!

KubaseGalathiya 6:14

Kodvwa akube khashane nami kutigabatisa ngaphandle kwesiphambano seNkhosi yetfu Jesu Khristu; ngesiphambano sakhe live lifile kimi, nami ngifile kulo.

Joshuwa 22:29

“Akube khashane natsi kuhlubuka Simakadze nekumshiya lamuhla ngekwakha lilati leminikelo yekushiswa, neminikelo yalokutinhlavu, nemihlatjelo, ngaphandle kwelilati laSimakadze Nkulunkulu wetfu lelime embikwelithende lakhe.”

Joshuwa 24:16

Bantfu baphendvula batsi: “Akube khashane natsi kuhlubuka Simakadze, bese sikhonta labanye bonkulunkulu!

1 Samuweli 12:23

Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.

1 Samuweli 24:6

Wakhuluma kulamabutfo akhe, watsi: “Simakadze akakutsandzi kutsi ngente intfo lenje enkhosini yami, lengulogcotjiwe waSimakadze, ngiphakamise sandla sami etikwayo, ngobe ingulogcotjiwe waSimakadze.”