1 Emakhosi 2:10 - Siswati 1996 Bible

¹⁰ Davide wase uyakhotsama, wangcwatjwa eDolobheni laDavide.

1 Emakhosi 2:10 Referencias Cruzadas

2 Samuweli 5:7

Noko, Davide wayitfumba inqaba yaseSiyoni, lidolobha laDavide.

2 Samuweli 5:9

Davide watsi kube ayitfumbe lenqaba, wabe sewuhlala kuyo, wayetsa libito watsi Lidolobha laDavide. Wakha lidolobha ndzawo tonkhe kuyitungeleta, kusukela kulendzawo leyayigcwalisiwe ngasemphumalanga neligcuma.

2 Samuweli 7:12

Emalanga akho nase aphelile, sewulele kuboyihlomkhulu, ngiyawuvusa umliba wakho kutsi uhlale esihlalweni sakho sebukhosi, loyo loyawuphuma elukhalweni lwakho, ngiyakuwumisa umbuso wakhe.

1 Emakhosi 1:21

Ngaphandle kwaloko, inkhosi itawutsi ingahamba iye kubakubo, mine nendvodzana yami, Solomoni, sitawuphatfwa njengemavukelambuso.”

1 Emakhosi 11:21

Ngesikhatsi Hadadi aseseGibhithe, wabe sewuyeva kutsi Davide, inkhosi, sewukhotseme, nekutsi Jowabe, indvuna yemphi, naye akasekho, sewufile. Hadadi wase ukhuluma kuFaro utsi: “Ngikhulule ngihambe, kuze ngibuyele eveni lakitsi.”

1 Emakhosi 11:43

Solomoni wase uyakhotsama, wafihlwa edolobheni leyise Davide. Rehobowamu, umsa waSolomoni, waba yinkhosi esikhundleni sakhe.

1 Emakhosi 14:31

Rehobowamu wase uyakhotsama, wafihlwa emathuneni emakhosi, eDolobheni laDavide. Libito lenina bekunguNama, angum-Amoni; Abiya, umsa wakhe, waba yinkhosi esikhundleni sakhe.

1 Emakhosi 15:24

Asa wase uyakhotsama, wafihlwa kubakubo edolobheni leyise Davide. Jehoshafati, umsa wakhe, waba yinkhosi esikhundleni sakhe.

1 Emakhosi 15:8

Abiya wabe sewuyakhotsama, wafihlwa eDolobheni laDavide. Asa, umsa wakhe, waba yinkhosi esikhundleni sakhe.

1 Emakhosi 22:51

Ahaziya, umsa wa-Ahabi, wabekwa waba yinkhosi yaka-Israyeli eSamariya; wabekwa ngemnyaka weli-17 wekubusa kwaJehoshafati, inkhosi yakaJuda. Ahaziya wabusa sive saka-Israyeli iminyaka lemibili.

1 Emakhosi 3:1

Solomoni wakha buhlobo naFaro, inkhosi yaseGibhithe, washada nendvodzakati yakhe. Wayitsatsa wayibeka eDolobheni laDavide, waze wacedza kwakha sigodlo sakhe, nelithempeli laSimakadze kanye netibondza letatitungelete iJerusalema.

1 Emakhosi 8:1

Inkhosi Solomoni yase imema tonkhe timphunga tema-Israyeli kutsi tite eJerusalema, nabo bonkhe baholi betive tema-Israyeli, netinhloko tetindlu tema-Israyeli, kutsi tite enkhosini Solomoni tiletse libhokisi lesivumelwane saSimakadze, lisuke eSiyoni, Lidolobha laDavide.

2 Emakhosi 14:20

Wabuya asetfwelwe ngelihhashi, watawufihlwa emadlizeni aboyisemkhulu eJerusalema, Lidolobha laDavide.

2 Emakhosi 15:38

Jothamu wase uyakhotsama, wafihlwa kuboyisemkhulu eDolobheni laDavide, lidolobha labokhokho bakhe. Ahazi, umsa wakhe, waba yinkhosi esikhundleni sakhe.

2 Emakhosi 16:20

Ahazi wase uyakhotsama, wafihlwa kuboyisemkhulu eDolobheni laDavide. Hezekiya, umsa wakhe, waba yinkhosi esikhundleni sakhe.

2 Emakhosi 8:24

Jehoramu wase uyakhotsama, wafihlwa emadlizeni aboyisemkhulu, eDolobheni laDavide. Ahaziya, umsa wakhe, waba yinkhosi esikhundleni sakhe.

2 Emakhosi 9:28

Tinceku takhe tamgibelisa encoleni yakhe tammikisa eJerusalema, lapho tafike tamfihlela khona kanye naboyisemkhulu edlizeni lakhe, eDolobheni laDavide.

1 Tikhronike 11:7

Davide wangena wahlala kuleyo nqaba, ngako yabitwa ngekutsi Lidolobha laDavide.

1 Tikhronike 29:28

Wafa asamdzala kakhulu, asatenelisile ngemphilo lendze, nangemcebo, nangekuhlonishwa. Solomoni, umsa wakhe, watsatsa sikhundla sakhe waba yinkhosi.

2 Tikhronike 24:16

Wangcwatjwa emadlizeni emakhosi eDolobheni laDavide ngenca yebuhle labebentile ka-Israyeli, abentela Nkulunkulu nelithempeli lakhe.

2 Tikhronike 9:31

Solomoni wase uyakhotsama, wafihlwa edolobheni leyise Davide. Rehobowamu, umsa waSolomoni, waba yinkhosi esikhundleni sakhe.

Imisebenti yebaPhostoli 13:36

“Phela Davide wenta intsandvo yaNkulunkulu ngesikhatsi sekuphila kwakhe; wase uyafa, wembelwa eceleni kwabokhokho bakhe, wabola;

Imisebenti yebaPhostoli 2:29

“Bazalwane, ngifanele ngikhulume ngalokukhanyako ngakhokho wetfu Davide kutsi wafa wangcwatjwa, nelidliza lakhe likhona la kitsi nalamuhla.