1 Emakhosi 19:2 - Siswati 1996 Bible

² Jezebeli watfumela sitfunywa ku-Elija, watsi: “Shangatsi bonkulunkulu bangangibulala ngife, nangabe mine kusasa ngalesikhatsi angikakwenti kuwe loko lokwente kulabaphrofethi.”

1 Emakhosi 19:2 Referencias Cruzadas

2 Samuweli 19:13

Khulumani ku-Amasa nitsi: ‘Awusiyo yini wena ingati yami nenyama yami? Shangatsi Nkulunkulu angangijezisa angishaye kabuhlungu, nangabe kusukela nyalo ngingakubeki kutsi ube yindvuna yemphi yami esikhundleni saJowabe.’ ”

2 Samuweli 3:9

Shangatsi Nkulunkulu angangiphatsa kabuhlungu mine Abneri, nangingamenteli Davide loko Simakadze lametsembisa kona ngesifungo,

1 Emakhosi 2:23

Inkhosi Solomoni yafunga ngaSimakadze, yatsi: “Shangatsi Nkulunkulu angangishaya ngife, nangabe Adoniya angakakhokhi ngekuphila kwakhe ngalesicelo lasentile!

1 Emakhosi 2:28

Jowabe weva ngaloko lekwase kwentekile. Jowabe abedudene na-Adoniya, noko akazange ahambisane na-Absalomu. Jowabe wabaleka waya ethendeni lebukhona baSimakadze, wafike wankonkoshela timphondvo telilati.

1 Emakhosi 20:10

Bheni Hadadi watfumela lomunye umlayeto ku-Ahabi atsi: “Ngitakuta nemadvodza lenele kutsi ngitewubhubhisa lelidolobha lakho, lamadvodza atsatse leto timvutfu ngetandla tawo. Shangatsi bonkulunkulu bangangishaya ngife, nangehluleka kukufeza loko.”

2 Emakhosi 19:22

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

2 Emakhosi 6:31

Yamemeta yatsi: “Nkulunkulu wami, ngibulale ngife, nangabe lamuhla lingashona inhloko ya-Elisha, umsa waShafati, isengetulu kwemahlombe akhe!”

Eksodusi 10:28

Faro wakhuluma kuMosi watsi: “Suka la embikwami! Ngingaphindzi ngikubone futsi! Mhlazana ngakubona, kuyawuba kufa kwakho!”

Eksodusi 15:9

“Sitsa satsi: ‘Ngitawubacosha ngize ngibakhandze. Ngitawutehlukanisela ngaloko lengikudle kubo, ngititike ngako; ngitawukhipha inkemba yami ngibabhubhise.’

Taga 27:1

Ungatigabatisi ngelikusasa lakho, ngobe awati kutsi lilanga ngelilanga likutela nani.

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 26:21

Kwatsi inkhosi Jehoyakimu nato tonkhe tindvuna takhe netiphatsimandla takhe nativa lamavi a-Uriya, inkhosi yahlosa kumbulala. Kodvwa Uriya weva ngaloko, wase ubalekela eGibhithe ngenca yekwesaba.

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Ruthe 1:17

Lapho uyawufela khona, nami ngiyawungcwatjwa khona. Shangatsi Simakadze angangijezisa kakhulu, nangabe mine ngivumela nome ngabe yini, ngaphandle kwekufa, kutsi kusehlukanise.”