1 Emakhosi 19:12 - Siswati 1996 Bible

¹² Emvakwaloko kutamatama kwemhlaba kwefika umlilo, kodvwa Simakadze abengekho kulowo mlilo. Kwatsi emvakwemlilo kwevakala liphimbo lelincane lelalikhulumela phansi.

1 Emakhosi 19:12 Referencias Cruzadas

Genesisi 15:17

Kwatsi ngekushona kwelilanga sekumnyama, kwabonakala litiko lemlilo, nelilangabi lemlilo lendlula emkhatsini waletincetu.

1 Emakhosi 18:38

Umlilo waSimakadze wehlela etikwalomhlatjelo, wawushisa wawucedza kanye netinkhuni, nematje, nemhlabatsi, wakhotsisisa onkhe emanti labelapho emseleni.

2 Emakhosi 1:10

Elija wayiphendvula, watsi: “Nangabe ngingumuntfu waNkulunkulu, akwehle umlilo ezulwini ukubhubhise wena nalamadvodza langema-50 lohamba nawo!” Ngako umlilo waNkulunkulu wehla ezulwini, wabhubhisa lendvuna kanye nalamadvodza langema-50 leyayihamba nawo.

2 Emakhosi 2:11

Batsi basahamba bakhulumisana bobabili, masinyane kwachamuka incola yemlilo idvonswa ngemahhashi emlilo, yabehlukanisa ekhatsi, Elija wenyuka ngesiwunguwungwana wayawushona ezulwini.

Jobe 33:7

Ngako-ke akukadzingeki kutsi ungesabe, sandla sami ngeke sibe matima etikwakho.

Jobe 4:16

Wema; kodvwa angizange ngati kutsi kuyini. Kwema intfo embikwemehlo ami, ngase ngiva liphimbo lelihlebako, litsi:

Eksodusi 3:2

Ingilosi yaSimakadze yabonakala kuye iselangabini lemlilo ekhatsi nekhatsi esihlahleni. Watsi uyabuka, wabona lesihlahla sivutsa kodvwa singashi.

Eksodusi 34:6

Simakadze wendlula embikwakhe wamemeta watsi: “Simakadze, Simakadze, Nkulunkulu lonesihawu nemusa; uyephuta kutfukutsela andze ngemusa nangekwetsembeka,

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Imisebenti yebaPhostoli 2:2

Batsi betfuka kwabe kuchamuka umsindvo lomkhulu esibhakabhakeni lowevakala sengatsi kuhhusha kwemoya lomkhulu, wagcwalisa yonkhe lendlu babehleti kuyo.

Dutheronomi 4:15

“Ngako-ke ticaphelisiseni nine, ngobe anibonanga simo salutfo mhlazana Simakadze akhuluma nani asemlilweni entsabeni yaseHorebe.

Dutheronomi 4:33

Sikhona sive lesake saliva liphimbo laNkulunkulu likhuluma emlilweni, njengani, sachubeka saphila?

KumaHebheru 12:29

ngobe loNkulunkulu wetfu ungumlilo locotfulako.