1 Emakhosi 18:5 - Siswati 1996 Bible

⁵ Ahabi abekhulume ku-Obadiya, watsi: “Asihambe sidzabule live ekhatsi, siye kuyo yonkhe imitfombo netihosha. Mhlawumbe kukhona lapho singatfola khona tjani bekondla emahhashi neminyuzi, kuze singabikho sidzingo sekutibulala letifuyo tetfu.”

1 Emakhosi 18:5 Referencias Cruzadas

1 Emakhosi 18:4

Kwatsi ngesikhatsi Jezebeli abulala baphrofethi baSimakadze, Obadiya wafihla labalikhulu emigedzeni, baba ngema-50 kulowo nakulowo mgedze, abebapha kudla, abanatsise nemanti.

1 Emakhosi 18:6

Ngako base behlukaniselana lelive bebatakulidzabudzabula, Ahabi wacondza ngale, kwatsi Obadiya wacondza ngale nganhlanye.

Tihlabelelo 104:14

Uhlumisa tjani, kuze kudle imfuyo, uhlumise lokumilako kusitakale bantfu, kuze kuvele kudla emhlabeni,

Jeremiya 14:3

Bahlonishwa batfumela tisebenti tabo kutsi tiyewubakhelela emanti; tiya etitibeni temanti kodvwa tikhandze kute emanti. Tibuya netimbita tato temanti tingenalutfo, tijabhile futsi tiphelelwe litsemba.

Joweli 1:18

Maye, tinkhomo tiyabhonsa! Imihlambi ihlakatekile, ngobe ayinalo lidlelo, ngisho nemihlambi yetimvu iyahlupheka.

Joweli 1:20

Ngisho netilwane tesiganga tikhalela wena, imifula yemanti seyomile, nemlilo sewuwakhotse onkhe lamadlelo.

Joweli 2:22

Ningesabi, nani tilwane tesiganga, ngobe emadlelo asaneluhlata, tihlahla titsela titselo tato, umkhiwa nemvini nako kutsela titselo tako.

Amose 4:8

Bantfu badzayitela besuka kulelinye lidolobha baya kulelinye, bafunana nemanti, kodvwa abazange bawatfole lenele kutsi banganatsa baze bakholwe; noko anikabuyeli kimi,” kusho Simakadze.

Habakhuki 3:17

Nome sihlahla semkhiwa singahlumi, nemagelebisi kute esihlahleni semvini, nome umncumo ungatseli, nemasimi angasatitseli tivuno, nome sekute timvu esibayeni, netinkhomo sekute esibayeni,