1 Emakhosi 18:4 - Siswati 1996 Bible

⁴ Kwatsi ngesikhatsi Jezebeli abulala baphrofethi baSimakadze, Obadiya wafihla labalikhulu emigedzeni, baba ngema-50 kulowo nakulowo mgedze, abebapha kudla, abanatsise nemanti.

1 Emakhosi 18:4 Referencias Cruzadas

1 Emakhosi 13:16

Kodvwa lomuntfu waNkulunkulu waphendvula, watsi: “Ngingeke ngincandzeke ngibuyele nawe emuva, kantsi futsi ngingeke ngidle kudla nawe nome nginatse nawe emanti kulendzawo.

1 Emakhosi 17:11

Watsi lomfelokati asahamba ayakumnatsisa, Elija watsi: “Ubomane ungiphatsele nelucetwana lwesinkhwa, tsine.”

1 Emakhosi 18:13

Ingabe wena, nkhosi yami, awukaze uve yini kutsi mine ngentani ngesikhatsi Jezebeli abulala baphrofethi baSimakadze? Ngabhacisa baphrofethi labalikhulu emigedzeni lemibili, baba ngema-50 kulowo nalowo mgedze, ngangibapha kudla ngibanatsise nemanti.

1 Emakhosi 18:5

Ahabi abekhulume ku-Obadiya, watsi: “Asihambe sidzabule live ekhatsi, siye kuyo yonkhe imitfombo netihosha. Mhlawumbe kukhona lapho singatfola khona tjani bekondla emahhashi neminyuzi, kuze singabikho sidzingo sekutibulala letifuyo tetfu.”

2 Emakhosi 6:32

Ngaleso sikhatsi Elisha abehleti endlini kakhe akanye nebaholi lababemvakashele. Inkhosi yase ikhipha sigijimi kutsi silandze Elisha. Kodvwa satsi sisengakefiki, Elisha wakhuluma kulabaholi, watsi: “Aniboni-ke kutsi lelijabhane selisitfumele sigijimi salo kutsi sitengijuba inhloko? Bukani la; nasifika lesigijimi lapha, nibovala sivalo, nisicindzetele ningasivuleli. Inkhosi itabe isilandzela etincatseni.”

2 Emakhosi 9:7

Ufanele ubhubhise indlu yaka-Ahabi, inkhosi yakho; ngitawukhipha sibhongo sengati yetinceku tami, baphrofethi, nengati yato tonkhe tinceku taSimakadze leyacitfwa nguJezebeli.

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Isaya 16:3

Batsi kubakaJuda: “Sinikeni seluleko, nisentele sincumo. Nisisibekele ngesitfunti senu sibe njengebusuku emini, kala bha. Fihlani labo lababalekile, ningatsengisi ngalababalekele kini.

Jeremiya 26:24

Kodvwa Ahikamu, umsa waShafani, wema ngakuJeremiya, ngako wangabe asaniketelwa kubantfu kutsi abulawe.

Jeremiya 36:19

Letiphatsimandla tase titjela Bharuki, tatsi: “Wena naJeremiya, hambani niyewubhaca. Akubete namunye umuntfu lowatiko kutsi nikuphi.”

Matewu 21:35

Leticashi tatibamba letisebenti, lesinye tasishaya, lesinye tasibulala, lesinye tasigcoba ngematje.

Matewu 25:35

Ngobe ngangilambile, nangipha kudla; ngangomile, nanginatsisa; ngangisihambi, nangemukela emitini yenu;

Matewu 25:40

INkhosi iyawubaphendvula itsi: ‘Ngicinisile, ngitsi kini: Konkhe loko lenanikwenta kulomunye walabanaketfu labancane, nanikwenta kimi!’

KumaHebheru 11:38

Live lalingakabafaneli; bazulazula emahlane, nasetintsabeni, nasemihumeni, nasemigedzeni yemhlaba.