1 Emakhosi 13:5 - Siswati 1996 Bible

⁵ Nalelilati lachekeka ekhatsi, umlotsa walo wacitsekela phansi, kwaya njengaleso sibonakaliso lesasetfulwe ngulomuntfu waNkulunkulu, kwaya njengekwelivi laSimakadze.

1 Emakhosi 13:5 Referencias Cruzadas

1 Emakhosi 13:3

Ngasona leso sikhatsi lomuntfu waNkulunkulu wabanika sibonakaliso watsi: “Nasi-ke sibonakaliso lesetfulwa nguSimakadze: Lelilati litawuchekeka ekhatsi, umlotsa losetikwalo ucitseke.”

1 Emakhosi 13:4

Yatsi kube inkhosi, Jerobowamu, ive loko lokwakukhulunywa ngulomuntfu waNkulunkulu ngelilati lelalilapho eBetheli, yelula sandla sayo, yamkhomba, yatsi: “Mbambeni!” Kodvwa lomkhono leyayiwelulile ikhomba ngawo lomuntfu waNkulunkulu womelela, wangabe usagobana.

1 Emakhosi 13:6

Inkhosi yakhuluma kulomuntfu waNkulunkulu, yatsi: “Ngicela ungincusele kuSimakadze, Nkulunkulu wakho, ungithandazele, khona atewuphilisa lomkhono wami.” Kwatsi lomuntfu waNkulunkulu nakamncusela kuSimakadze, umkhono wenkhosi Jerobowamu waphiliswa, waba njengakucala futsi.

1 Emakhosi 17:16

Ngobe esitjeni safulaha akazange aphele fulaha, naseludziweni lwemafutsa akazange aphele emafutsa; kwenteka njengobe livi laSimakadze lelalikhulunywe ngu-Elija lishito.

1 Emakhosi 22:28

Mikhaya watsi: “Nawungahle nje ubuye uphephile, Simakadze utawube akaze wakhuluma ngami.” Wachubeka watsi: “Nonkhe nine tive, wanakeni lamavi ami.”

1 Emakhosi 22:35

Lonkhe lelo langa imphi yayibambene etulu, inkhosi yasekelwa encoleni yayo, ibhekene nemaSiriya. Linceba layo lopha ingati yaze yageletela phansi encoleni, kwatsi kusihlwa inkhosi Ahabi yafa.

Amose 3:14

“Mhlazana ngijezisa ema-Israyeli ngenca yetono tawo, ngiyawubhidlita emalati aseBetheli, netimphondvo telilati tiyawujutjwa tilahleke phansi.

Makho 16:20

Bafundzi base bayahamba-ke bashumayela kuyo yonkhe indzawo. INkhosi yaba nabo yalifakazela livi layo, ngekwenta tibonakaliso ngalo. Amen. Labafati baya kuboPhetro nalabo labenabo bayawubabikela kafisha ngako konkhe lababekutjeliwe. Emvakwaloko Jesu matfupha watfumela ngebafundzi bakhe liVangeli lelingcwele lelingeke libhubhe. Wabatfumela kutsi leliVangeli lensindziso yaphakadze balishumayele emhlabeni wonke, jikelele.

Dutheronomi 18:22

Nangabe loko lokushiwo ngulowo mphrofethi ngelibito laSimakadze kungenteki nome kungabi liciniso, kuyawuvele kubonakale kutsi lowo mlayeto akusiwo lovela kuSimakadze. Lowo mphrofethi abetikhulumela nje; ngako ningamesabi.”