1 Emakhosi 13:21 - Siswati 1996 Bible

²¹ Wamemeta, akhuluma kulomuntfu waNkulunkulu labephuma kaJuda, watsi: “Naku lokushiwo nguSimakadze: ‘Njengobe ungakamlaleli Simakadze, ngekutsi wente umyalo Simakadze Nkulunkulu wakho lakunike wona,

1 Emakhosi 13:21 Referencias Cruzadas

Genesisi 3:7

Emehlo abo bobabili ase ayavuleka, batibona kutsi bangcunu; base batfunga emacembe emkhiwa, batentela kwekuvunula.

2 Samuweli 24:13

Ngako Gadi wahamba waya kuDavide, wamtjela konkhe lobekushiwo nguSimakadze, wase uyambuta watsi: “Ngukuphi-ke lokukhetsako: Kutsi kube nendlala lenkhulu eveni lakho iminyaka lemitsatfu, nome kuphele tinyanga letintsatfu solomane ubaleka ugijinyiswa titsa takho, nome emalanga lamatsatfu uhlaselwe sifo lesingujubajece eveni lakho? Manje-ke, cabangisisa kutsi ngitawufike ngitsini kulona longitfumile.”

2 Samuweli 6:7

Lulaka lwaSimakadze lwamvutsela Uza, ngenca yesento sakhe sekungahloniphi. Ngako Nkulunkulu wamshaya, wafa, wafela khona lapho eceleni kwelibhokisi lesivumelwane saNkulunkulu.

1 Emakhosi 13:17

Ngiyalwe nguSimakadze watsi: ‘Kufanele ungakudli kudla, ungawanatsi nemanti akhona, ngisho nendlela lote ngayo ungabuyi ngayo.’ ”

1 Emakhosi 13:20

Batsi basehleti etafuleni badla, livi laSimakadze lefika kulomphrofethi lomdzala labencandze lomuntfu waNkulunkulu.

1 Emakhosi 13:22

kodvwa uncandzekile, wafike wadla wanatsa, lapho bekungakafaneli kutsi udle unatse khona, sidvumbu sakho singeke singcwatjwe lapho kwafihlwa khona boyihlomkhulu.’ ”

1 Emakhosi 20:36

Ngako lomphrofethi watsi: “Njengobe ungakamlaleli Simakadze, utawutsi nawusuka lapha, libhubesi likubulale.” Yatsi lendvodza nayisuka ihamba, yakhandvwa libhubesi lelayibulala.

Esta 6:13

Wafike walandzisa umkakhe nebangani bakhe bonkhe lokwase kumehlele. Umkakhe Zereshi nalabangani bakhe bamtjela batsi: “Nangabe Modekhayi aliJuda, wena sewucalile kuwa, futsi ungeke umkhone. Nakanjani utakwehlula.”

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Numeri 20:12

Kodvwa Simakadze wabatsetsisa boMosi na-Aroni, watsi: “Njengobe ningakangikholwa kangangekutsi nize ningingcwelise, ningihloniphe embikwalesive sema-Israyeli, anisenawusihola lesive nize nisifikise eveni lengisiphe lona.”

Numeri 20:24

“Aroni sewutakuya kulabafile bakubo, ngako akasoze angene eveni lengilinike ema-Israyeli, ngobe nine nobabili aningihloniphanga ngasemantini aseMeribha.

Sembulo 3:19

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.

1 Samuweli 15:19

Awukamlaleli ngani Simakadze? Uyitfumbeleni lemphango, wenta lokubi emehlweni aSimakadze?”

1 Samuweli 4:18

Watsi nje lomuntfu kube aphatse libito lelibhokisi lesivumelwane saNkulunkulu, Eli wawa sinyova esihlalweni sakhe lesasiseceleni kwelisango. Washumphuka intsamo, wafa, ngobe abesamdzala kakhulu futsi asindza. Abesahole sive sema-Israyeli iminyaka lengema-40.