1 Emakhosi 12:6 - Siswati 1996 Bible

⁶ Inkhosi Rehobowamu yahamba yayawutsatsisa kubantfu labadzala lababesebenta neyise Solomoni aseyinkhosi, yafike yabuta yatsi: “Nine ningangeluleka kutsi ngibaphendvula kanjani labantfu?”

1 Emakhosi 12:6 Referencias Cruzadas

2 Samuweli 16:20

Absalomu wabuta ku-Ahithofeli, watsi: “Selulekeni. Sitakwenta njani?”

2 Samuweli 17:5

Kodvwa Absalomu watsi: “Bitani naHushayi, um-Akhi, sitekuva kutsi yena utsini kuloku.”

1 Emakhosi 10:8

Maye, bayajabula labantfu bakakho! Maye, tiyajabula tindvuna takakho letihlala njalo time lapha embikwakho tilalele lokuhlakanipha kwakho.

1 Emakhosi 4:1

Inkhosi Solomoni yabusa sonkhe sive sema-Israyeli.

1 Emakhosi 4:2

Tindvuna tembuso wakhe-ke bekunguleti: Azariya, umsa waSadoki, umphristi;

Jobe 12:12

Kuhlakanipha akutfolakali yini kulabadzala? Imphilo lendze ayikuletsi yini kucondza?

Jobe 32:7

Ngicabange ngatsi: ‘Kukhula lokufanele kukhulume, iminyaka leminyenti lekufanele ifundzise kuhlakanipha.’

Taga 27:10

Ungakhohlwa umngani wakho nemngani weyihlo. Nawehlelwa yinhlupheko ungayi kuyawucela lusito kumnakenu; kuncono uye kumakhelwane losedvutane kunekuya kumnakenu lokhashane.

Jeremiya 43:2

Azariya, umsa waHoshaya, naJohanani, umsa waKhareya, nawo onkhe emadvodza labetibeka embili akhuluma kuJeremiya, atsi: “Unemanga! Simakadze longuNkulunkulu wetfu akakutfumi kutsi utewutsi: ‘Kufanele ningayi eGibhithe kuyawuhlala khona.’