1 Emakhosi 11:6 - Siswati 1996 Bible

⁶ Ngako Solomoni wenta lokubi emehlweni aSimakadze. Akazange alandzele Simakadze ngalokuphelele, njengobe kwakwente uyise Davide.

1 Emakhosi 11:6 Referencias Cruzadas

1 Emakhosi 11:33

Ngitakwenta loku, ngobe bangishiyile mine, bakhonta bo-Ashtarothe, sithicokati semaSidoni, naKhemoshi, sithico semaMowabi, naMoloki, sithico sema-Amoni, bangete bahamba ngendlela yami, bangete bakwenta lokuhle emehlweni ami, bangete batigcina netimiso tami nemitsetfo yami njengaDavide, uyise waSolomoni.

1 Emakhosi 11:5

Walandzela bo-Ashtarothe, sithicokati semaSidoni, naMoloki, sithico sema-Amoni lesasisinengiso.

1 Emakhosi 11:7

Entsabeni lengasemphumalanga neJerusalema Solomoni wakha indzawo lephakeme, wakhela Khemoshi, sithico semaMowabi lesisinengiso, wakhela naMoloki, sithico sema-Amoni lesisinengiso.

1 Emakhosi 3:3

Solomoni walukhombisa lutsandvo lwakhe kuSimakadze ngekutsi ahambe ngetimiso teyise Davide, ngaphandle kwekutsi yena Solomoni abenikela ngemihlatjelo nangemphepho letfunciswa etindzaweni letiphakeme.

1 Emakhosi 9:4

“Wena-ke nangabe ungahamba ngebucotfo benhlitiyo nangekucondza embikwami, ulingise uyihlo Davide, wente konkhe lengikuyala ngako, ugcine timiso nemitsetfo yami,

Numeri 14:24

Kodvwa njengobe inceku yami Khalebi anemoya lowehlukile futsi ungilandzela ngenhlitiyo yakhe yonkhe, ngitamngenisa kulelive laya kulo, nebatukulu bakhe bayawulidla libe lifa labo.

Joshuwa 14:14

Kusukela ngalelo langa iHebroni yaba yaKhalebi, umsa waJefune, umKhenizi, ngobe walandzela Simakadze, Nkulunkulu wema-Israyeli, ngayo yonkhe inhlitiyo yakhe.

Joshuwa 14:8

kodvwa bomnaketfu lengangenyuke nabo benta tinhlitiyo tesive tatfutfumela, tashona phansi ngenca yekwesaba. Noko, mine ngalandzela Simakadze Nkulunkulu wami ngayo yonkhe inhlitiyo yami.