1 Emakhosi 11:3 - Siswati 1996 Bible

³ Abenemakhosikati labengema-700 labetalwa ngemakhosi. Tingani takhe tatingema-300. Emakhosikati akhe amphambukisa.

1 Emakhosi 11:3 Referencias Cruzadas

2 Tikhronike 11:21

Rehobowamu watsandza Makha, indvodzakati ya-Absalomu, kwendlula onkhe emakhosikati kanye netingani takhe. Emakhosikati akhe abeli-18 asawonkhe, tingani takhe tatingema-60, anemadvodzana langema-28 nemadvodzakati langema-60.

Esta 1:18

Bonkhe bafati betiphatsimandla tenkhosi batawutsi bangeva ngalokwedzelela kwenkhosikati lenkhulu, bese batjela emadvodza abo lingakashoni nelilanga. Loko kutakwenta bonkhe bafati bangawahloniphi emadvodza abo, loko kwente kutsi lamadvodza abaphatse ngesihluku labafati bawo, bese kutsi budlelwane bemindeni bube munyu.

Umshumayeli 2:8

Ngabutsisa ndzawonye isiliva negolide kanye nengcebo yemakhosi neyemave. Ngatibutsela bahlabeli labadvuna nalabasikati nako konkhe umuntfu langahle atijabulise ngako.

Umshumayeli 7:28

Ngatsi ngisaphenyisisa ngingatfoli lutfo, ngatfola indvodza yinye lecondzile kulayinkhulungwane, kodvwa kwabate ngisho namunye umfati locondzile kubo bonkhe.

Ingoma Yetingoma 6:8

Kungaba nemakhosikati langema-60, nemaphovela langema-80, netintfombi letingenakubalwa,

Ingoma Yetingoma 6:9

kodvwa lituba lami, lowakheke kahle wami, yena wehluke yedvwa ngebuhle, uyindvodzakati leyodvwa kunina, ligcabi lalowo lowalitala. Tintfombi tatsi natimbona, tambita tatsi ungulobusisiwe; emakhosikati nemaphovela amdvumisa.

Dutheronomi 17:17

Akukafaneli iteke bafati labanyenti, ngobe loko kuyakwedukisa inhlitiyo yayo. Akukafaneli icokelele ndzawonye umcebo lomnyenti.

Tikhulu 3:6

Atsatsa emadvodzakati aletive ashada nawo, atsatsa nemadvodzakati awo awendzisela emadvodzana aletive, akhonta nabonkulunkulu bato.

Tikhulu 9:5

Wahamba waya kubo e-Ofra, wafike labanakabo lababengema-70, emadvodzana aJerubhali, wawabulalela etikwelitje linye. Kodvwa Jothamu, litfunjana laJerubhali, waphunyula ngobe wabhaca.