1 Emakhosi 11:12 - Siswati 1996 Bible

¹² Kodvwa noko ngenca yeyihlo Davide, ngingeke ngikwente loko ngesikhatsi sakho. Ngiyakuwudzabula etandleni tendvodzana yakho.

1 Emakhosi 11:12 Referencias Cruzadas

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Genesisi 19:29

Ngako-ke Nkulunkulu nakabhubhisa lamadolobha alawo matsafa, wakhumbula Abrahama ngekutsi akhiphe Loti ekubhujisweni kwalamadolobha, Loti labehlala kuwo.

1 Emakhosi 11:11

Ngako Simakadze wakhuluma kuSolomoni, watsi: “Njengobe sewente nje, wangete wasigcina sivumelwane sami netimiso tami, lengakuyala ngato, nakanjani umbuso wakho ngitawudzabula etandleni takho ngiwususe kuwe ngiwunike lomunye wetinceku takho.

1 Emakhosi 11:13

Kodvwa ngingeke ngidzabule wonkhe umbuso kuyo, kodvwa ngiyawuyinika sive sibe sinye ngenca yaDavide, inceku yami, nangenca yeJerusalema, lidolobha lengilikhetsile.”

1 Emakhosi 11:31

wase utsi kuJerobowamu: “Titsatsele ticephu tibe lishumi, ngobe nguloko Simakadze Nkulunkulu wema-Israyeli lakushoko, utsi: ‘Buka la, ngitawudzabula umbuso esandleni saSolomoni nginike wena tive letilishumi.

1 Emakhosi 11:32

Kodvwa ngenca yenceku yami Davide, nangenca yeJerusalema lengiyikhetsile emkhatsini wato tonkhe tive tema-Israyeli, yena utawusala nesive sinye.

1 Emakhosi 11:34

“ ‘Kodvwa ngingeke ngiwutsatse wonkhe umbuso kuSolomoni. Ngimi lengimente umholi ngaso sonkhe sikhatsi sekuphila kwakhe ngenca yaDavide, inceku yami, lengamkhetsa, naye wayilalela yonkhe imiyalo yami netimiso tami.

1 Emakhosi 11:35

Ngitawutsatsa umbuso esandleni semsa wakhe, nginike wena tive letilishumi.

1 Emakhosi 21:29

“Ubonile yini kutsi Ahabi utitfobe kanjani embikwami? Ngenca yekutsi utitfobile kimi, ngingeke ngisamehlisela lesigemegeme etikhatsini takhe, kodvwa ngiyawusehlisela etikwendlu yakakhe ngesikhatsi sekubusa kwemsa wakhe.”

2 Emakhosi 19:34

“Ngitalivikela lelidolobha ngilisindzise, ngenca yami nangenca yenceku yami Davide.”

2 Emakhosi 20:17

‘Sikhatsi sitawufika ngempela, lapho konkhe lokusesigodlweni sakho, nako konkhe loko lokwalondvolotwa boyihlomkhulu kusukela kadzenidzeni kuze kube ngulamuhla, kutakwetfwalwa kuyiswe eBhabhulona. Kute nakunye lokuyawusala, kusho Simakadze.

2 Emakhosi 20:19

Hezekiya waphendvula watsi: “Lelivi laSimakadze lose ulikhulumile lilungile ngempela.” Hezekiya abecabanga kutsi loko kwakusho kutsi kusetakuba nekuthula kanye nekuvikeleka ngaso sonkhe sikhatsi sekuphila kwakhe.

2 Emakhosi 8:19

Noko ngenca yenceku yakhe Davide, Simakadze abengakatimiseli kubhubhisa sive sakaJuda. Abetsembisile kutsi uyawutigcinela sibane endlini yakaDavide kuze kube phakadze.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.