1 Emakhosi 11:1 - Siswati 1996 Bible

¹ Solomoni, inkhosi, watsandzana nebafati labanyenti betive, ngaphandle kwalendvodzakati yaFaro; abesanemakhosikati labengemaMowabi, nalabengema-Amoni, nalabengema-Edomu, nalabengemaSidoni kanye nalabengemaHethi.

1 Emakhosi 11:1 Referencias Cruzadas

1 Emakhosi 11:8

Wabentela njalo bonkhe labafati bakhe betive, lababeshisa timphepho banikela nemihlatjelo kuletithico tabo.

1 Emakhosi 14:21

Rehobowamu, umsa waSolomoni, waba yinkhosi yakaJuda. Abeneminyaka lengema-41, nakabekwa kuba yinkhosi yakaJuda, wabusa iminyaka leli-17 eJerusalema, lidolobha Simakadze lalikhetsa emkhatsini wato tonkhe tive taka-Israyeli kutsi abeke khona Libito lakhe. Unina wakhe bekunguNama, angum-Amoni.

1 Emakhosi 14:31

Rehobowamu wase uyakhotsama, wafihlwa emathuneni emakhosi, eDolobheni laDavide. Libito lenina bekunguNama, angum-Amoni; Abiya, umsa wakhe, waba yinkhosi esikhundleni sakhe.

1 Emakhosi 16:31

Akazange agcine ngekutijabulisa ngetono letatentiwe nguJerobowamu kuphela nje, kodvwa yena waze wateka naJezebeli, indvodzakati ya-Etbhali, inkhosi yemaSidoni, wamenta umkakhe; wacala kukhonta nekukhotsamela Bhali.

1 Emakhosi 3:1

Solomoni wakha buhlobo naFaro, inkhosi yaseGibhithe, washada nendvodzakati yakhe. Wayitsatsa wayibeka eDolobheni laDavide, waze wacedza kwakha sigodlo sakhe, nelithempeli laSimakadze kanye netibondza letatitungelete iJerusalema.

Ezra 10:44

Bonkhe laba babeteke bafati betive, labanye babo base batele ngisho nebantfwana kulabafati.

Ezra 9:1

Emvakwekutsi konkhe loku kwentiwe, baholi beta kimi bafike batsi: “Sive saka-Israyeli kanye nebaphristi nemaLevi, asikatehlukanisi kuletive letibomakhelwane: emaKhenani, nemaHethi, nemaPheresi, nemaJebhusi, nema-Amoni, nemaMowabi, nemaGibhithe kanye nema-Amori letenta lokunengekako.

Ezra 9:2

Batsetse lamanye emadvodzakati ato bawenta bafati babo, baze batsatsela nemadvodzana abo bafati kuto, bahlanganisa sive lesingcwele kanye netive letakhelene naso. Labaholi netindvuna bavele baba bekucala ekuphileni imphilo yekungetsembeki.”

Eksodusi 34:16

Emadvodzana enu ningawatsatseli bafati emadvodzakatini abo, ngobe uma labantfu sebaphinga nome bagwadla ngekukhonta letithico tabo, nalamadvodzana enu atawudvonseleka kuloko.

Taga 2:16

Kucophelela nekucondzisisa kutakusindzisa kulomsikati loyingwadla, umfati walenye indvodza, lonelulwimi lolushelelako,

Taga 22:14

Emavi engwadla afanana nemgodzi lojulile; labo labangaphansi kwelulaka lwaSimakadze bagcumkela kuwo.

Taga 23:33

Emehlo akho ayawubona tintfo letingekho, emlonyeni wakho kuphume emavi langenamcondvo.

Taga 31:3

Emandla akho ungawacitsi kulabasikati; yebo, emandla ekuphila kwakho ungawacitseli kulabo lababhubhisa emakhosi.

Taga 6:24

Kuyawukuphephisa kumfati lomubi, nasemlonyeni lomnandzi wemfati walenye indvodza.

Taga 7:5

Ngaloko uyawuphepha kumfati losiphingi, umfati walenye indvodza nalonemavi latobotanako.

Levithikusi 18:18

“ ‘Dzadzewabomkakho ungamtsatsi njengemfati loyimbangi, udzimate ulale naye umkakho asaphila.

Dutheronomi 17:17

Akukafaneli iteke bafati labanyenti, ngobe loko kuyakwedukisa inhlitiyo yayo. Akukafaneli icokelele ndzawonye umcebo lomnyenti.