1 Emakhosi 10:9 - Siswati 1996 Bible

⁹ Akadvunyiswe Simakadze Nkulunkulu wakho, lokujabulele wakubeka esihlalweni sebukhosi baka-Israyeli. Ngenca yelutsandvo lwaSimakadze lwaphakadze lanalo nga-Israyeli, ukwente waba yinkhosi, kutsi utewubusa ngekungakhetsi nangekulunga.”

1 Emakhosi 10:9 Referencias Cruzadas

2 Samuweli 23:3

Nkulunkulu wema-Israyeli wakhuluma, Lidvwala laka-Israyeli latsi kimi: ‘Nangabe umuntfu ahola sive ngekulunga, asibuse ngekwesaba Nkulunkulu,

2 Samuweli 5:12

Davide abati kutsi Simakadze sewumbeke kutsi abe yinkhosi yema-Israyeli, waphakamisa umbuso wakhe ngenca yesive sema-Israyeli.

2 Samuweli 8:15

Davide wawabusa onkhe ema-Israyeli, enta loko lokulungile kubo bonkhe bantfu bakhe.

1 Emakhosi 3:28

Sonkhe sive sema-Israyeli satsi nasiva lesigwebo lesikhishwe yinkhosi, sacalela phansi kuyihlonipha inkhosi, ngobe sabona kahle kutsi inekuhlakanipha kwaNkulunkulu kwekuhola nekwehlulela ngekulunga.

1 Emakhosi 5:7

Watsi kube Hiramu ayive lenkhulumo yaSolomoni, wajabula kakhulu, wase utsi: “Akabongwe Simakadze lamuhla, ngobe uphe Davide indvodzana lehlakaniphile kutsi ibuse lesive lesikhulu.”

1 Tikhronike 17:22

Umise sive sakho, ema-Israyeli, saba ngulesingusona sisakho phakadze naphakadze; wena-ke, Simakadze, wase wuba nguNkulunkulu waso.

2 Tikhronike 2:11

Hiramu, inkhosi yaseThire, watfumela imphendvulo lekwakuyincwadzi kuSolomoni, watsi: “Simakadze uyasitsandza sive sakhe, ngako sewukwente waba yinkhosi yaso.

Tihlabelelo 18:19

Wangikhiphela endzaweni lebanti; wangephula, ngobe abejabula ngami.

Tihlabelelo 22:8

“Phela lowo wetsembele kuSimakadze, akamkhulule yena-ke, loSimakadze wakhe; amphephise, ngobe phela usime ngaye.”

Tihlabelelo 72:2

Shangatsi ingehlulela sive sakho ngekulunga, nalabamphofu ibaphatse ngebucotfo.

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Isaya 62:4

Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Malakhi 1:2

Simakadze utsi: “Nginitsandzile. Kodvwa nine niyabuta nitsi: ‘Usitsandze kanjani?’ ” Simakadze utsi: “Esawu bekungesiye yini umnakaboJakobe? Noko ngase ngimtsandzile Jakobe,

Dutheronomi 7:8

Kodvwa kwaya ngekutsi Simakadze wanitsandza wasigcina sifungo sakhe lasenta kubokhokho benu kutsi anikhiphe ngesandla lesinemandla, wanihlenga eveni lebugcili, nasemandleni aFaro, inkhosi yaseGibhithe.