1 Emakhosi 10:8 - Siswati 1996 Bible

⁸ Maye, bayajabula labantfu bakakho! Maye, tiyajabula tindvuna takakho letihlala njalo time lapha embikwakho tilalele lokuhlakanipha kwakho.

1 Emakhosi 10:8 Referencias Cruzadas

1 Emakhosi 10:7

Kodvwa angizange ngitikholwe tonkhe letintfo ngidzimate ngefika ngatibonela ngewami emehlo. Ngempela, angizange ngitjelwe ngisho nencenye yako konkhe loku lengikubonako; kuhlakanipha kwakho nemcebo wakho kungetulu kwaloko lengakuva ngematekelo.

1 Emakhosi 12:6

Inkhosi Rehobowamu yahamba yayawutsatsisa kubantfu labadzala lababesebenta neyise Solomoni aseyinkhosi, yafike yabuta yatsi: “Nine ningangeluleka kutsi ngibaphendvula kanjani labantfu?”

Taga 10:21

Emavi emuntfu lolungile ondla bantfu labanyenti; kodvwa tilima tifa ngenca yekweswela lwati.

Taga 13:20

Lohambisana nebantfu labahlakaniphile naye ugcina asahlakaniphile; kodvwa umngani wetilima uyawuhlupheka.

Taga 22:29

Use wambona nje umuntfu loyingcweti emsebentini wakhe? Nguye lowo loyawusetjentiswa ngemakhosi, angeke aweswele nemsebenti.

Taga 8:34

Ubusisiwe umuntfu longilalelako, longilindzela onkhe malanga emasangweni ami, logadza etimphundvwini teminyango yami.

Jeremiya 40:10

Mine-ke ngitawuhlala eMispa kutsi ngitewumelela nine kumaBhabhulona labeta lapha kitsi; kodvwa nine nitawuvuna liwayini, netitselo tasehlobo kanye nemafutsa, nikufake etitjeni tenu tekulondvolota, nihlale kulamadolobha leseniwatsetse.”

Lukha 11:28

Kodvwa Jesu wamphendvula watsi: “Yebo, kunjalo, kodvwa lokukhulu kutsi: Babusisiwe labo labeva livi laNkulunkulu, bese bayalenta.”

Lukha 11:31

Mhlazana welilanga lekwehlulelwa indlovukazi yaseningizimu iyawusukuma isilahle ngelicala lesitukulwane salamuhla, ngobe yahamba yadzabula umhlaba yayawulalela kuhlakanipha kwemfundziso yaSolomoni; ngiyanitjela ngitsi: Kukhona lomkhulu kunaSolomoni la.