1 Emakhosi 10:21 - Siswati 1996 Bible

²¹ Tonkhe tindzebe taSolomoni tekunatsa tatentiwe ngegolide, kantsi tonkhe tintfo talapha endlini yeLihlatsi laseLebanoni tatentiwe ngegolide lecengekile. Kute nakunye lokwakwentiwe ngesiliva, ngobe isiliva yayingakabaluleki kakhulu ngaleto tikhatsi taSolomoni.

1 Emakhosi 10:21 Referencias Cruzadas

1 Emakhosi 10:17

Inkhosi yaphindze yenta lamanye emahawu lamancane langema-300 ngegolide legcotjiwe; lilinye lalakhiwe ngegolide leyayingemakhilogremu labengaba mabili. Inkhosi yawabeka endlini yayo yeLihlatsi laseLebanoni.

1 Emakhosi 10:20

Emabhubesi lali-12 abeme kuletitebhisi, linye ngala linye nangale kwesitebhisi sinye. Kute lokufanana naloko lokwase kwentiwa ngisho nome ngukumuphi umbuso.

1 Emakhosi 10:22

Inkhosi yayinelubhuzane lwemikhumbi yekuhweba elwandle, ikanye nalena yaHiramu. Kanye ngeminyaka lemitsatfu yayibuya yetfwele igolide, nesiliva, nematinyo endlovu, netinkawu kanye netimfene.

1 Emakhosi 7:2

Wakha indlu lekwakutsiwa Lihlatsi laseLebanoni. Yayingemamitha labengaba ngema-46 budze, nemamitha labengaba ngema-23 bubanti, nemamitha labengaba li-13 nesigamu kuphakama. Yayinetinhlu letintsatfu tetinsika nemishayo yemsedari leyayisetikwato.

Esta 1:7

Liwayini lalinatfwa ngetindzebe tegolide, nguloyo naloyo aneyakhe indzebe leyehlukile kuletinye. Inkhosi yephana nangeliwayini lebukhosi.

Jobe 28:1

“Ukhona umgodzi wekutapa isiliva, yebo, ikhona nendzawo lapho kucengisiswa khona igolide.

Zakhariya 9:3

IThire yona seyitakhele inqaba; seyicokelele isiliva kwaba shangatsi lutfuli, negolide njengeludzaka lwasesitaladini.

Dutheronomi 17:17

Akukafaneli iteke bafati labanyenti, ngobe loko kuyakwedukisa inhlitiyo yayo. Akukafaneli icokelele ndzawonye umcebo lomnyenti.