1 Emakhosi 1:40 - Siswati 1996 Bible

⁴⁰ Bonkhe bantfu benyuka bamlandzela, bashaya nemintjingozi bajabule kakhulu, kwaze kwanyakata ngisho nemhlaba ngenca yemsindvo.

1 Emakhosi 1:40 Referencias Cruzadas

1 Emakhosi 1:39

Sadoki, umphristi, watsatsa luphondvo lwemafutsa ethendeni lelingcwele, wagcoba ngawo Solomoni. Base bashaya impalampala, bonkhe bantfu bamemetela batsi: “Lunwele loludze! Nkhosi Solomoni!”

1 Emakhosi 1:41

Adoniya kanye nato tonkhe timenywa takhe bakuva loko, lapho sebacedzela kudla lidzili labo. Batsi kube beve kukhala kwempalampala, Jowabe wabuta watsi: “Wani lomsindvo longaka losedolobheni?”

1 Emakhosi 1:45

BoSadoki, umphristi, naNathani, umphrofethi, sebamgcobe eGihoni kutsi abe yinkhosi. Besuke lapho ngekujabula, lidolobha nalo lananatela loko kujabula. Nguwo nje lomsindvo leniwuvako.

2 Emakhosi 11:14

Watsi uyabuka, wabona nanso inkhosi imile eceleni kwensika njengekwelisiko. Tindvuna nebashayi bemacilongo bebasingatse inkhosi, bonkhe bantfu belive bajabula bashaya nemacilongo. Ngako Athaliya wadzabula tingubo takhe, wamemeta watsi: “Ngemavukelambuso! Ngemavukelambuso!”

2 Emakhosi 11:20

Bonkhe bantfu balelo live bajabula. Lidolobha laba nekuthula, ngobe phela Athaliya abebhokodzelwe ngenkemba ekhatsi esigodlweni.

Tihlabelelo 97:1

Simakadze uyabusa, umhlaba awujabule netichingi tonkhe tijabule.

Danyela 3:5

Kutawutsi kungevakala kukhala kwempalampala, nekwemntjingozi, nekwezitha, nekwelire, nekwehabhu, nekwetimveve, nekwato tonkhe tinhlobo tekuhlabela, kufanele niwe phansi nikhotsame kulesithico segolide lesimiswe yinkhosi Nebukhadnezari.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Lukha 19:37

Nase asatawufika, edvute neJerusalema, lapho indlela yehlela khona eNtsabeni Yemincumo, sicuku lesikhulu sebafundzi bakhe sacala sabonga Nkulunkulu samemeta kakhulu, njengobe base babone timangaliso letikhulu,

1 Samuweli 11:15

Ngako sonkhe sive saya eGilgali, sayawucinisa khona kubekwa kwaSawula kutsi abe yinkhosi embikwaSimakadze. Ngulapho-ke lapho bafike benta imihlatjelo yekuthula embikwaSimakadze. Sawula naso sonkhe sive sema-Israyeli sajabula kakhulu ngalelo langa.

1 Samuweli 4:5

Latsi libhokisi lesivumelwane saSimakadze nalifika enkambu, onkhe ema-Israyeli aphakamisa ludvumo amemeta ngemsindvo lomkhulu kangangekutsi kwadzimate kwatamatama umhlaba.