1 Emakhosi 1:21 - Siswati 1996 Bible

²¹ Ngaphandle kwaloko, inkhosi itawutsi ingahamba iye kubakubo, mine nendvodzana yami, Solomoni, sitawuphatfwa njengemavukelambuso.”

1 Emakhosi 1:21 Referencias Cruzadas

Genesisi 15:15

Wena-ke utawukhula, ufe ngekuthula sewumdzala kakhulu, ungcwatjwe.

2 Samuweli 7:12

Emalanga akho nase aphelile, sewulele kuboyihlomkhulu, ngiyawuvusa umliba wakho kutsi uhlale esihlalweni sakho sebukhosi, loyo loyawuphuma elukhalweni lwakho, ngiyakuwumisa umbuso wakhe.

1 Emakhosi 1:12

Manje-ke ase ngikweluleke kutsi imphilo yakho neyaSolomoni, indvodzana yakho, ungayisindzisa kanjani.

1 Emakhosi 1:20

Nkhosi yami, onkhe emehlo aka-Israyeli abuke wena, kutsi atekuva kuwe kutsi ngubani lotawuhlala esihlalweni sebukhosi senkhosi yami, abe yinkhosi emvakwayo.

1 Emakhosi 1:22

Watsi asakhuluma nenkhosi, kwefika Nathani, umphrofethi.

1 Emakhosi 2:10

Davide wase uyakhotsama, wangcwatjwa eDolobheni laDavide.

1 Emakhosi 2:15

Watsi: “Njengobe wati, umbuso bekungewami. Israyeli wonkhe abesabheke kimi kutsi ngiyinkhosi yakhe. Kodvwa tintfo tajika, umbuso watsatfwa ngumnaketfu, ngobe lowo mbuso yena uwunikwe nguSimakadze.

2 Tikhronike 22:10

Athaliya, unabo-Ahaziya, watsi kube abone kutsi indvodzana yakhe seyifile, wachubeka wabulala bonkhe bantfwabenkhosi bakaJuda.

Dutheronomi 31:16

Simakadze wakhuluma kuMosi, watsi: “Wena sewutawuhamba uyewuphumula nabokhokho bakho, emvakwekufa kwakho lesive siyawugwadla nabonkulunkulu betive takulelo live lesiyawungena kulo. Siyawungishiya, sephule nesivumelwane lengasenta naso.

Tikhulu 9:5

Wahamba waya kubo e-Ofra, wafike labanakabo lababengema-70, emadvodzana aJerubhali, wawabulalela etikwelitje linye. Kodvwa Jothamu, litfunjana laJerubhali, waphunyula ngobe wabhaca.