1 Emakhosi 1:12 - Siswati 1996 Bible

¹² Manje-ke ase ngikweluleke kutsi imphilo yakho neyaSolomoni, indvodzana yakho, ungayisindzisa kanjani.

1 Emakhosi 1:12 Referencias Cruzadas

Genesisi 19:17

Atsi kube abakhiphele ngaphandle, lomunye wawo watsi: “Balekani nitewusindza! Ningasabuki nasemuva, ningemi ndzawo kulelitsafa. Balekani nicondze ngasetintsabeni, ningahle nehlelwe ngulesijeziso.”

1 Emakhosi 1:13

Hamba uyewungena enkhosini Davide, ufike ukhulume kuye utsi: ‘Nkosi yami, awuzange ufunge yini kimi, mine ncekukati yakho, watsi: “Impela Solomoni, indvodzana yakho, iyawuba yinkhosi emvakwami, ihlale esihlalweni sami sebukhosi”? Pho, sekwenteke kanjani manje kutsi Adoniya bese uba yinkhosi?’

1 Emakhosi 1:21

Ngaphandle kwaloko, inkhosi itawutsi ingahamba iye kubakubo, mine nendvodzana yami, Solomoni, sitawuphatfwa njengemavukelambuso.”

2 Emakhosi 11:1

Athaliya, unabo-Ahaziya, watsi kube abone kutsi indvodzana yakhe seyifile, wachubeka wabulala bonkhe bantfwabenkhosi.

2 Tikhronike 21:4

Kwatsi ngesikhatsi Jehoramu atinta kahle esihlalweni sebukhosi seyise, wabulala bonkhe bomnakabo ngenkemba kanye naletinye tikhulu taka-Israyeli.

2 Tikhronike 22:10

Athaliya, unabo-Ahaziya, watsi kube abone kutsi indvodzana yakhe seyifile, wachubeka wabulala bonkhe bantfwabenkhosi bakaJuda.

Taga 11:14

Sive siyawa ngenca yekweswela kucondziswa; siyawuphepha nangabe sinebeluleki labanyenti.

Taga 15:22

Tinhloso atiphumeleli ngaphandle kweteluleko; kodvwa nangabe kunebeluleki labanyenti tiyakuphumelela.

Taga 20:18

Yenta tinhloso takho ngekutfola teluleko letilungile; ungacali uhlasele emphini ungenamasu.

Taga 27:9

Emakha nemafutsa lanuka kamnandzi ajabulisa inhlitiyo; kodvwa bungani sibili buyawuphakamisa umphefumulo.

Jeremiya 38:15

Jeremiya watsi kuSedekiya: “Nangikuphendvula, ungeke yini ungibulale? Ngisho nome ngikweluleka, ngeke ungilalele mine.”

Matewu 21:38

Kodvwa tatsi ticashi natiyibona lendvodzana, takhuluma todvwana, tatsi: ‘Lena yindlalifa yakhe; wotani siteyibulala, khona sitewudla lifa layo.’

Imisebenti yebaPhostoli 27:31

Kodvwa Pawula watjela lendvuna yembutfo watsi: “Nangabe labashayeli balomkhumbi babaleka, kute lotawuphila lapha emkhunjini.”

Tikhulu 9:5

Wahamba waya kubo e-Ofra, wafike labanakabo lababengema-70, emadvodzana aJerubhali, wawabulalela etikwelitje linye. Kodvwa Jothamu, litfunjana laJerubhali, waphunyula ngobe wabhaca.