Numere 16:33 - BIBELE

³³ Ba theohela Nqalong ya Bafu ba ntse ba phela, le maruo wohle a bona. Lefatshe la ba pupetsa, ba timetswa, ba tloswa setjhabeng.

Sesotho 1909/1961 (SO)

³³ Bona le tsohle tseo e leng tsa bona, ba theohela lempatung ba utlwa; lefatshe la ba kwahela, mme ba nyamella hara phutheho.

Numere 16:33 Referencias Cruzadas

Dipesaleme 141:7

Jwalokaha ho kgathwa, ho tabolwa thite, masapo a bona a tla qhalanngwa jwalo, a qhalanngwe kgorong ya Nqalo ya Bafu.

Dipesaleme 143:7

Morena, ako nkarabe kapele; moya wa ka o a tepella. O se ke wa mpatela sefahleho sa hao, ke se ke ka tshwana le ba theohelang lebitleng.

Dipesaleme 55:15

wena eo re neng re buisana hamonate, re le sehlopheng se yang tlung ya Modimo.

Dipesaleme 55:16

Lefu le ke le ba kgaoletse, ba ke ba theohele Nqalong ya Bafu, ba theohele ba ntse ba phela, hobane ba ahisane le bokgopo, mme bo hara bona.

Dipesaleme 55:23

Rolela morwalo wa hao ho Morena, mme o tla o jarisa; a ke ke a tlohella ya lokileng hore a sisinngwe le ka mohla.

Dipesaleme 69:15

Nqaholle tebetebeng ya seretse, o nnamolele ho ba ntlhoileng, ke phonyohe kweetseng.

Dipesaleme 9:15

e le hore ke tle ke bolele dithoko tsa hao, ke di bolele kgorong ya motse wa Sione, mme ke nyakalle hobane o mpholositse.

Isaia 14:15

Empa wena o dihetswe tlase lebitleng, o dihetswe tlase botebong ba mohohlo.

Isaia 14:9

“Nqalo ya Bafu e etsa mokutu ho o kgahlanyetsa, e tsosa bafu ho o dumedisa, bohle bao e neng e le babusi lefatsheng; bohle bao e neng e le dikgosi tsa ditjhaba, e ba emisa diteroneng tsa bona.

Isaia 38:18

Nqalo ya Bafu e ke ke ya o rorisa, lefu le ke ke la o binela pina, ba theohelang lebitleng ha ba ka ke ba o tshepa.

Ezekiele 31:14

Ka baka leo, ha ho sa tla ba le sefate sefe kapa sefe se metseng pela metsi se tla iphahamisa haholo, kapa se tla tswa ka mahetla hara mahlaku a teteaneng. Ha ho sefate se nwesetswang hantle se tla ke se be selelele hakaalo, hobane tsohle di a bolawa, di theolelwa ka mpeng ya lefatshe, hara batho ba theohetseng mohohlong.

Ezekiele 32:18

“Wena ngwana motho, llela setjhaba sa Egepeta, ebe o se romela Nqalong ya Bafu mmoho le baradi ba ditjhaba tse ding tse matla, tse theohetseng mohohlong.

Ezekiele 32:30

“Ho teng le mahosana wohle a leboya, le Basidone bohle ba teng ba theohetseng mohohlong le ba bolailweng ka sabole. Le hoja ba ne ba tshajwa haholo, bonatla ba bona bo ba hlabisitse dihlong, ba shwele e ntse le maqai, ba rapaletse le ba bolailweng ka sabole, ba jere sekgobo sa bona le ba theohetseng mohohlong.

Numere 16:32

lefatshe la ahlama, la ba kwenya, bona le matlo a bona, le balatedi ba bona, le thepa yohle ya bona.

Numere 16:34

Bana ba Iseraele bohle ba neng ba le moo ba baleha ha ba utlwa seboko sa bona, hobane ba ile ba re: “Lefatshe le se ke la re metsa!”

Numere 22:33

Tonki e ile ya mpona, mme ka makgetlo a mararo ya nkwekwetla. Hojane ya se ke ya nkwekwetla, ruri hona jwale nka be ke se ke o bolaile, empa yona nka be ke e babaletse.”

Numere 26:11

Empa bara ba Kora bona ha ba a ka ba eshwa.

Deuteronoma 32:22

Kgalefo ya ka e tuka malakabe, e tlokoma ho ya fihla Nqalong ya Bafu, e timetsa lefatshe le tsa lona, e tjhesa le metheo ya dithaba.

Yuda 1:11

Ba madimabe hakaakang! Ba latetse tsela ya Kaine. Ba itihetse phosong ya Bileame ka baka la ho ipatlela moputso. Ba timetse ka baka la ho hanyetsa jwaloka Kora.