Nahume 2:3 - BIBELE

³ Thebe tsa bahlabani ba hae ke tse kgubedu, aparo tsa bona le tsona ke tse kgubedu. Kariki tsa bona tsa ntwa di a tsekema, thekong ya ntwa di tsekema malakabe; ka marumo bahlabani ba a hlakisa.

Sesotho 1909/1961 (SO)

³ Thebe ya dinatla tsa hae e kgubedu; bahale ba hae ba apere sekarelata; ditshepe tsa makoloi di bekenya jwaloka mollo tsatsing leo a rerang makgotla a hae ka lona; ba hlakisa ka marumo a bona.

Nahume 2:3 Referencias Cruzadas

Jobo 39:23

Kgopong tsa yona ho shohlomana kgohlopo, ho bile ho tsekema marumo le ditsenene!

Dipesaleme 80:13

Keng ha o dihile metero ya wona, hore o tle o ikgellwe ke mofetakatsela,

Isaia 14:8

fate tsa modutu le kedare tsa Lebanone, di thabetse ho wa ha hao, di re: ‘Ha e le mona o se o kokobeditswe, ha ho ya sa tla nyoloha, a nyolohele thabeng ho re rema.’

Ezekiele 23:24

Ba tla o futuhela ka dibetsa le ka dikariki tsa ntwa, le ka makoloi, le ka lebotho la bahlabani; ba o futuhele ka dithebe le ka dithejana, ba rwetse dikatiba tsa tshepe, ba etswa hohle. Ke tla ba nea matla a ho ahlola, mme ba tla o ahlola ho ya ka dikahlolo tsa bona.

Ezekiele 26:7

Morena Modimo o bua tjena: “Ke tla tlisa Nebukadenesare, kgosi ya Babilona, kgosi ya dikgosi, a etswa leboya, a tlo futuhela Tire ka dipere le ka dikariki tsa ntwa, ka bapalami ba dipere le ka lebotho le leholo.

Nahume 3:2

Ho lla sephadi, makoloi a a kititsa, dipere di a kgema, ho lla tlhako, le kariki tsa ntwa di a kgehlemana.

Sakaria 1:8

Hara mpa bosiu ka bona pono: Ka bona motho ya palameng pere e kgunong! O ne a emisitse hara difate tsa mohlakola, tse ka kgohlwaneng. Kamora hae ho ne ho ena le dipere: tse kgunong, tse sootho, le tse tshweu.

Sakaria 11:2

Wena fate sa phaena, bokolla, o lle hobane kedare e robehile, difate tse bohehang di suhlamane! Lona eike tsa Bashane bokollang hobane moru o opaneng o kgethutswe!

Sakaria 6:2

Kariki ya pele e ne e hulwa ke dipere tse kgunong, ya bobedi e hulwa ke tse ntsho,

Tshenolo 12:3

Ha hlaha pontsho e nngwe hape lehodimong. E ne e le kganyapa ya tonana, e kgubedu, e dihlooho tse supileng, le dinaka tse leshome, le mefapahlooho e supileng dihloohong tsa yona.

Tshenolo 6:4

Yaba ho tswa pere e nngwe hape, e kgunong. Ya e palameng a newa matla a ho fedisa kgotso lefatsheng, e le hore batho ba tle ba bolayane. A ba a newa sabole e kgolohadi.