Moeklesia 1:10 - BIBELE

¹⁰ Na letho le teng leo ho ka thweng ka lona: “Bona mona, hona ke ho hotjha?” Ho bile teng mehleng ya kgale, ho bile teng pele ho mehla ya rona.

Sesotho 1909/1961 (SO)

¹⁰ Na ntho e teng eo ka yona ho ka thweng: Bona hona, ke ho hotjha? ... Le mehleng e bileng pele ho rona, ho ne ho ntse ho le teng.

Moeklesia 1:10 Referencias Cruzadas

Moeklesia 1:11

Baholoholo ba kgale ha ba sa hopolwa; esita le bao e leng hona ba tla tla, bahlahlami ba bona ba ke ke ba ba hopola!

Moeklesia 1:9

Se bileng teng se tla ba teng hape, se kileng sa etswa se tla etswa hape; ha ho letho le letjha mona lefatsheng.

Moeklesia 2:12

Maikutlong a ka ka nahana bohlale, ka nahana bohlanya le bona bothoto. Mohlahlami wa kgosi a ka etsang hape, haese feela ho etsa se seng se entswe?

Moeklesia 6:10

Seo motho a leng sona kgale se tsejwa, kgale ho tsejwa hore motho ke motho; ha ho motho ya ka hwebeshanang, le senatla se mo feta ka matla.

Mattheu 5:12

Thabang, le nyakalle, hobane moputso wa lona o moholo mahodimong; etswe baporofeta ba bileng teng pele ho lona ba hlorisitswe jwalo.”

Diketso 7:51

“Lona ba manganga, ba pelo di thata, le tsebe tse sa mameleng jwaloka tsa bahedene, kamehla le lona le hlola le hanyetsa Moya o Halalelang, jwaloka bo-ntata lona!

2 Timothea 3:8

Jwalokaha Jannese le Jamberese ba ile ba hanyetsa Moshe, le batho bao ba hanyetsa nnete. Ke bao dikelello tsa bona di sa sebetseng, bao tumelo ya bona e seng ya sebele.