Jobo 3:21 - BIBELE

²¹ Ba labalabela lefu, ha le ba fihlele, ba le batla le ho feta letlotlo, patuwe.

Sesotho 1909/1961 (SO)

²¹ e le ba lebeletseng lefu, mme ha le fihle, ba le tjheba ba le lakatsa ho fetisa letlotlo le patilweng,

Jobo 3:21 Referencias Cruzadas

1 Marena 19:4

Elia yena a qeta letsatsi a ntse a tsamaya hara lehwatata. A fihla a dula tlasa sehlahla sa tshinabele, a ikopela hore a shwe, a re: “Ho lekane! Oho, Morena, nka moya wa ka jwale, hobane ha ke fete bo-ntate ka letho!”

Jobo 11:20

Empa mahlo a ba kgopo a tla eba, ba hloke le wona monyetla wa ho pholoha, tshepo ya bona e be ya ho neela moya.”

Jobo 3:22

Ba thaba ka thabo e fetisisang, ba nyakalle ha ba kena ka lebitleng.

Jobo 6:8

“Hoja kopo ya ka e ne ka ananelwa, Modimo a nnea seo ke se labalabelang;

Jobo 6:9

Modimo a kgahlwa ke ho mphetshela, a nkisa letsoho, a ntimetsa.

Jobo 7:15

kahoo ke ikgethela lefu la ho kgangwa, ho ena le ho phela ke le masatswane.

Diproverbia 2:4

ha o ka e batla sa hoja o batla silefera, wa e batla sa tlotlo e le patuwe;

Moeklesia 4:2

Kahoo ka lebohela ba seng ba shwele, ho ena le bana ba ntseng ba phela.

Jeremia 8:3

Morena wa mabotho o re: Masalla wohle a setjhaba sena se kgopo, a tla phonyoha, a dibakeng tsohle tseo ke a leleketseng ho tsona, a tla ikgethela lefu bakeng sa bophelo.’ ”

Jonase 4:3

Ka baka leo, oho, Morena, mpe o mpolaye, hobane ho molemo ho nna hore ke shwe, ho ena le hore ke nne ke phele.”

Jonase 4:8

Ha letsatsi le tjhaba, Modimo a tsosa moya o tjhesang, o hlahang botjhabela, mme letsatsi la bataola Jonase hloohong, hoo a bileng a akgeha. A itakaletsa lefu, a re: “Ho ka ba molemo ho nna hore ke shwe, ho ena le hore ke nne ke phele.”

Numere 11:15

Haeba o nketsa tjena, hlo mpolaye hona jwale, ke a o rapela, haeba o nkgauhetse, e le hore ke se ke ka bona bomadimabe ba ka.”

Tshenolo 9:6

Matsatsing ao batho ba tla ipatlela lefu, empa ba ke ke ba le fumana; ba tla lakatsa ho shwa, empa lefu le tla ba baleha.