Jobo 16:13 - BIBELE

¹³ Metsu ya hae e nketseditse lethala, o harola dikahare tsa ka a se na mohau, nyooko ya ka yona o e qhalanyetsa fatshe.

Sesotho 1909/1961 (SO)

¹³ Metsu ya wona e nkwetse hodimo, e etswa nqa tsohle; o ntlhabile matheka, o se na mohau; wa tsholla nyoko ya ka fatshe;

Jobo 16:13 Referencias Cruzadas

Genese 49:23

Ba fulang ka metsu ba a mo hlorisa, ba diqha ba a mo phephetsa,

Jobo 19:12

ke futuhetswe ke mabotho a hae, a hlomme diahelo ho potapota lapa la ka.

Jobo 19:27

ke yena eo ke tla fela ke mmone ka seqo, ke mmone ka mahlo a ka ke sa romeletsa. Ka pelo ya ka yohle ke labalabela hoo!

Jobo 20:25

motsu wa sona o yo phunyeletsa mokokotlo, ntlha ya wona e phatsimang e qhale nyooko, matshabeho a lefu a mo aparele kahohle.

Jobo 25:3

Na mabotho a hae a ka balwa? Ke ofe ya sa tjhabelweng ke sedi la hae?

Jobo 6:10

Ke ne ke tla thaba, ke tshedisehe, ke tsebe ho mamella ditlokotsi tsa ka, hoba polelo tsa Ya Halalelang ha ke a di hanyetsa.

Jobo 6:4

Metsu ya Ya Matla wohle e ntlhabile, mahloko a yona a tjhatjhametsa le moya wa ka, matshabeho a Modimo a nteetse theko!

KOLI-YA-MALLA 2:11

Mahlo a ka a foufaditswe, a foufatswa ke dikeledi, moya wa ka o ferekane haholo, bohloko ba pelo ya ka bo tsholohela fatshe, ka baka la ho timetswa ha setjhaba sa heso, ka baka la ho timetswa ha bana le masea, ba timetswa ba le diterateng tsa motse.

KOLI-YA-MALLA 2:4

O hutse seqha sa hae jwaloka sera, o eme sa mohlabani, tsoho le letona le phahame; bohle ba kgahlang mahlo a ba bolaya. Kgalefo ya hae e tukang malakabe, a e theolela hodima tente ya Sione.

KOLI-YA-MALLA 3:11

O nkgelositse tseleng ya ka, a ntsekolla, a ntshiya moo ke hloka mothusi.

KOLI-YA-MALLA 3:13

O hlabile diphiyo tsa ka ka metsu, metsu e tswang sehlajweng sa hae.

Ezekiele 5:11

“Ka baka leo, ke a ikana, ho rialo Morena Modimo: Kahobane o silafaditse Sehalalelo sa ka ka medimo ya hao e nyonyehang, le ka manyala wohle a hao, ke tla o fedisa; nke ke ka hlola ke o hauhela, kapa hona ho o utlwela bohloko.

Baroma 8:32

Ha e le moo a sa ka a qenehela Mora wa hae ka sebele, a mpa a mo neetse lefu ka baka la rona bohle, na a ke ke a re nea dintho tsohle hammoho le yena na?

Deuteronoma 29:20

Morena a ke ke a mo tshwarela, empa kgalefo ya Morena le lefufa la hae di tla tlokomela monna eo. Dithohako tsohle tse ngotsweng kahara buka ena, di tla mo wela hodima. Morena o tla fedisa lebitso la hae lefatsheng.

2 Petrose 2:5

Hape Modimo ha a a ka a qenehela lefatshe la kgale, empa o ile a tlisa morallo wa metsi lefatsheng la ba kgopo; a mpa a pholosa Nowe, ya neng a phatlalatsa tsa ho loka, le ba bang ba supileng.