Isaia 7:21 - BIBELE

²¹ Tsatsing leo motho o tla rua kgomo e le nngwe le dikgutshwane tse pedi,

Sesotho 1909/1961 (SO)

²¹ Mehleng eo, motho e mong le e mong o tla alosa sethole se le seng le dinku tse pedi.

Isaia 7:21 Referencias Cruzadas

Isaia 14:30

Ba futsanehile baholo ba tla kgora, bahloki ba tla dula ba pholohile, ditloholo tsa hao tsona di shwe ke tlala, masalla a hao le wona e a bolaye.

Isaia 17:2

Metse ya Arowere e tla hloka baahi, e tla fetoha metebo, mehlape e fule teng, ho se motho ya tla e tshwenya.

Isaia 27:10

Motse o haheleditsweng o fetohile dithako, ke motse o siilweng, o furaletsweng sa lehwatata, ke moo manamane a fulang teng, a be a bothe, a itjelle makala.

Isaia 35:1

Lehwatata le letswatlare di tla thaba, lefeella le nyakalle, palesa di thunye.

Isaia 37:30

“Sena e tla ba pontsho ho wena: “Monongwaha le tla ja matshwabodi, isao le je tse tswalwang ke dirite; ka sa boraro le tla jala le kotule, le hlome morara, le je tholwana tsa wona.

Isaia 5:17

Dinku di tla fula eka ke makgulong a tsona, dikonyana tsona di fule thakong tsa barui.

Isaia 7:25

Maralla wohle a neng a lemilwe, ho ke ke ha hlola ho uwa ho wona, ka baka la ho tshaba hlabahlabane le meutlwa, empa e tla ba moo ho kgaphelwang dikgomo teng, le moo dinku di sollang teng.

Jeremia 39:10

Empa Nebusaradane, molaodi wa balebedi, a tlohela karolo e nngwe ya mafutsana a naheng ya Juda, mme a a fa masimo a dijo le dirapa tsa morara.