Isaia 19:5 - BIBELE

⁵ Metsi a ka nokeng ya Nile a tla fela, noka eo e pshe, e omelle,

Sesotho 1909/1961 (SO)

⁵ Metsi a Nile a tla fela; noka e tla psha, e omelle.

Isaia 19:5 Referencias Cruzadas

Jobo 14:11

“Jwalokaha metsi a letsha a nyamela, a fela, noka e feta, e be e pshe,

Isaia 15:6

Metsi a Nimerime a pshele, jwang bo omeletse, dimela di fedile, ha ho letho le letalana.

Isaia 23:11

Morena o otlolotse tsoho la hae, a le otlolla hodima lewatle, a etsa hore mebuso e thothomele. Malebana le Kanana Morena o entse taelo, hore qhobosheane tsa yona di ripitlwe.

Isaia 37:25

Ka tjheka didiba, ka nwa metsi a baditjhaba, maoto a ka a pshesa melatswana, melatswana yohle ya Egepeta.

Isaia 50:2

“Ke hobaneng ha ke fihla ke fumaneng ho se na motho? Yare ha ke bitsa ka hloka ya nkarabang? Na tsoho la ka le fokola hoo nke keng ka le lopolla? Na ke hloka matla a ho le namolela? Bonang! ha ke kgalema ke pshesa metsi a lewatle, dinoka tsona ke di fetole lehwatata; tlhapi tse phelang nokeng tseo di nkge, di re phu! di hloke metsi, di be di shwe ke lenyora.

Jeremia 51:36

Ka baka leo, Morena o bua tjena: “Bona, ke tla o buella ke be ke o phetetse, mehlodi ya metsi a Babilona ke tla e pshesa, didiba tsa yona di kgaotse ho kopotsa.

Ezekiele 30:12

Melatswana ya noka ya Nile ke tla e pshesa, ke neelane ka naha matsohong a ba kgopo. Naha le tsohle tsa yona ke tla di etsa nanaola, ke di etse nanaola ka tsoho la baditjhaba, ke nna Morena ya buileng jwalo.

Sakaria 10:11

Ke tla ba tshedisa lewatle la ditlokotsi, maqhubu a bilohang ke a bobise, dikweetsa tsohle tsa Nile ke di pshese. Boikakaso ba Asiria bo tla kokobetswa, puso ya Egepeta le yona e fele.

Sakaria 14:18

Haeba setjhaba sa Egepeta se sa nyolohe ho ya kgumamela Kgosi, Morena wa mabotho, pula e ke ke ya na naheng ya sona; se tla welwa ke lefu la sewa, leo ka lona Morena a bolayang ditjhaba tse sa nyoloheleng Jerusalema, ho ya keteka Mokete wa Maphephe.