Hosea 9:14 - BIBELE

¹⁴ Oho, Morena, ako ba nee! Ekaba o tla ba nea eng, Morena? Ba nee dipopelo, dipopelo tse senyehelwang! Ba nee matswele, matswele a sa tsweng lebese!

Sesotho 1909/1961 (SO)

¹⁴ Ba nee, Jehova! ... o tla ba neang? ... O ba nee dimpa tse tswang le matswele a omeletseng.

Hosea 9:14 Referencias Cruzadas

Jobo 21:10

Poho ya ya kgopo e a katika, ha e ke e lala, thole tsa hae di a tswala, ha di ke di folotsa.

Eksoda 23:26

Naheng ya heno ha ho mosadi ya tla senyehelwa, kapa eo e tla ba nyopa; ke tla etsa hore o phele halalele.

Hosea 9:11

Tlotla ya Efraime yona e tla nyamela, e nyamele sa nonyana e fofela hole, ho se be pelehi, kemaro, kemolo.

Hosea 9:13

Kamoo ke boneng Efraime kateng, o ne a dutse monateng sa motse wa Tire; empa Efraime o tla tswala bana ba hae, a ba tswalle ho bolawa, ho bolawa ke mmolai.”

Hosea 9:16

Efraime ke fate se seng se rathilwe, motso wa hae o se o omeletse, a ke ke a hlola a beha ditholwana. Esita leha a ka tswala bana ke tla bolaya bana ba popelo ya hae, bana bao a ba ratang haholo.”

Mattheu 24:19

Ho tla ba madimabe baimana le batswetse ba matsatsi ao!

Mareka 13:17

Ho tla ba madimabe baimana le batswetse ba matsatsi ao!

Luka 21:23

Matsatsing ao ho tla ba madimabe baimana le batswetse. Tlokotsi e tla ba kgolo lefatsheng, le kgalefo ya Modimo setjhabeng sena.

Luka 23:29

hobane bonang, matsatsi a ya tla, ao ka wona ho tla thwe: ‘Ho lehlohonolo dinyopa, le popelo tse sa kang tsa tswala, le matswele a sa kang a anyesa.’

1 Bakorinthe 7:26

Ka baka la ditsietsi tsa matsatsi ana, ke lekanya hore ho ka ba molemo ha motho a itulela a le jwalo.

Deuteronoma 28:18

“Bana ba hao ba tla rohakeha, le ditholwana tsa naha ya heno, le manamane a dikgomo tsa hao, le tswala ya mehlape ya hao!