Genese 24:26 - BIBELE

²⁶ Yaba monna eo o a inama, o kgumamela Morena,

Sesotho 1909/1961 (SO)

²⁶ Yaba monna eo o inama, a kgumamela Jehova,

Genese 24:26 Referencias Cruzadas

Genese 22:5

Aborahama a re ho bahlanka ba hae: “Lona salang mona le tonki. Nna le moshanyana re tla ya mose mane, re yo kgumamela Modimo, ebe re kgutlela ho lona hape.”

Genese 24:25

A boela a re ho yena: “Re na le seteroi le furu e lekaneng, le moo le ka robalang teng.”

Genese 24:48

Jwale ka inama, ka kgumamela Morena, mme ka boka Morena, Modimo wa monga ka Aborahama, ya ileng a ntsamaisa ka tsela e nepahetseng, hore ke tlo nkela mora wa monga ka moradi wa moena wa hae.

Genese 24:52

Ha mohlanka wa Aborahama a utlwa mantswe ana, a inama kapele ho Morena.

1 Dikronike 29:20

Yaba Davida o re ho setjhaba sohle: “Rorisang Morena Modimo wa lona!” Setjhaba sohle sa rorisa Morena Modimo wa bo-ntata sona; sa inamisa dihlooho tsa sona, sa kgumamela Morena, sa isa hlompho ho kgosi.

2 Dikronike 20:18

Jwale Jehoshafate a obamela fatshe ka sefahleho. Baahi bohle ba naha ya Juda le baahi bohle ba Jerusalema, ba itihela fatshe kapele ho Morena, ba mo kgumamela.

2 Dikronike 29:30

Ho feta mona, kgosi Hesekiya le mahosana ba laela Balevi hore ba rorise Morena ka dithoko tsa Davida, le tsa Asafo wa moporofeta. Ba binela Morena dithoko ba thabile; ba kgumama, mme ba rapela.

Nehemia 8:6

Esera a rorisa Morena Modimo e moholo, mme setjhaba sohle sa araba se phahamiseditse matsoho a sona hodimo, sa re: “A ho be jwalo! A ho be jwalo!” Sa inamisetsa dihlooho tsa sona fatshe, sa rapela Morena.

Dipesaleme 22:29

hobane puso ke ya Morena, mme o rena hodima ditjhaba.

Dipesaleme 66:4

Lefatshe lohle le a o kgumamela, le a o roka, le roka lebitso la hao.”

Dipesaleme 72:9

Ba mo lwantshang ba ke ba mo kgumamele, dira tsa hae di nyeke lerole.

Dipesaleme 95:6

Tloong, a re itiheleng maotong a hae, re itihele ka hlompho, re weng ka mangwele kapele ho Morena, Morena, Mmopi wa rona.

Eksoda 12:27

le tle le re: ‘Ke sehlabelo sa Paseka ya Morena, ya ileng a feta matlo a bana ba Iseraele, ha ba ne ba le Egepeta, mohla a neng a otla Egepeta, mme a sireletsa malapa a rona.’ ” Setjhaba sa itihela fatshe, sa rapela.

Eksoda 34:8

Moshe a inamela fatshe ka potlako, a kgumamela Morena.

Eksoda 4:31

Setjhaba sa kgolwa, mme ha se utlwa hore Morena o ne a etetse bana ba Iseraele, le hore o bone matshwenyeho a sona, sa inamisa dihlooho, sa rapela.

Mikea 6:6

Ke tla tla ke nkile eng ha ke eya ho Morena? Ke tla obama jwang kapele ho Ya Hodimodimo? Na ke tla fihla ke nkile nyehelo ya setjheso, ke nkile nyehelo ya manamane a selemo?

BaFilipi 2:10

e le hore, ha ho bitswa lebitso la Jesu, mangwele wohle a lehodimong, le a lefatsheng, le a katlasa lefatshe, a tle a kgumame,

Baahlodi 7:15

Ha Gideone a se a utlwile tsa toro le tlhaloso ya yona, a kgumama, a nto kgutlela diahelong tsa Baiseraele. A fihla, a re: “Tsohang, hobane Morena o neelane ka lebotho la Bamidiane matsohong a lona.”

1 Samuele 1:28

Ka baka leo, le nna ke mo abela Morena. Ke mo abetse Morena ka matsatsi wohle a bophelo ba hae.” Yaba ba kgumamela Morena hona moo.