Eksoda 38:17 - BIBELE

¹⁷ Ditshehetso tsa ditshiya di ne di entswe ka lethose, dihokelo tsa ditshiya, le dithupa tsa tsona, di ne di entswe ka silefera. Dihlooho tsa tsona di ne di manehilwe silefera, mme ditshiya tsohle tsa seotlwana di ne di hokahantswe ka dithupa tse entsweng ka silefera.

Sesotho 1909/1961 (SO)

¹⁷ didulwana tsa ditshiya tsa etswa ka koporo; dipekere tsa ditshiya le dithupa tsa tsona ka silefera; dihlooho tsa tsona tsa manehwa ka silefera; mme ditshiya tsohle tsa lebala tsa kgabiswa ka dithupa tsa silefera.

Eksoda 38:17 Referencias Cruzadas

1 Marena 7:16

Ka lethose le qhibidisitsweng a bopa dikotola tse pedi, tse tla bewa hodima ditshiya. Bolelele ba kotola e nngwe le e nngwe e ne e le dimethara tse ka bang pedi le halofo.

Eksoda 27:10

Ditshiya tse ka lehlakoreng lena di be mashome a mabedi, le ditshehetso tsa tsona di be mashome a mabedi, e be tse entsweng ka lethose. Dihokelo tsa ditshiya le mefapo ya tsona e be tse entsweng ka silefera.

Eksoda 38:16

Masela wohle a lepeletseng, a potapotileng seotlwana, e ne e le a entsweng ka lene, a loehileng.

Eksoda 38:18

Lesira la monyako wa seotlwana le ne le entswe ke sehomi, lesela le leputswa, le le perese, le le lefubedu, le le entsweng ka lene, le loehileng. Bolelele ba lona e ne e le dimethara tse robong; bophara ba lona e le dimethara tse pedi, hore le tshwane le masela a lepeletseng a seotlwana.

Numere 3:36

Bara ba Merari bona ba ne ba hlokomela ditshiya tsa dithupa tse hlongwang tsa Tente ya Morena, le maballo a yona, le ditshiya tsa yona, le ditshehetso tsa tsona, le dijana tsohle, le ditshebeletso tsa yona;

Numere 4:32

le ditshiya tsa seotlwana tse se potapotileng, le ditshehetso tsa tsona, le dimapo tsa tsona, le dikgwele tsa tsona, le dijana tsohle tsa tsona. O tla abela e mong le e mong dintho tsohle tseo a tla sebetsa ka tsona, mme a di jare.