Eksoda 30:23 - BIBELE

²³ “Wena o inkele dinoko tse monate ka ho fetisisa: mira o metsi, oo boima ba wona e leng dikilo tse tsheletseng; le sinamone e nkgang hamonate, eo boima ba yona e leng halofo ya boima ba mmira oo, ke ho re dikilo tse tharo; le lehlaka le monko o monate, leo boima ba lona e leng dikilo tse tharo;

Sesotho 1909/1961 (SO)

²³ O nke dibano tse kgethehileng, tsa mirra e metsi tse boima ba dishekele tse makgolo a mahlano le halofo ya boima bo kalo ya sinnamone e monko o monate, e leng dishekele tse makgolo a mabedi a mashome a mahlano, le lehlaka le monko o monate le boima ba dishekele tse makgolo a mabedi a mashome a mahlano,

Eksoda 30:23 Referencias Cruzadas

1 Marena 1:39

Moprista Sadoke a nka lenaka la ole ka Tenteng, a tlotsa Solomone. Ba letsa lenaka, mme setjhaba sohle sa howa, sa re: “Kgosi Solomone a ke a re phelele!”

1 Dikronike 9:29

Ba bang ba ne ba hlokomela dintho tsohle tsa Sehalalelo, le phofo e thumisehileng, le veine, le ole, le mokubetso, le dinoko.

1 Dikronike 9:30

Ba bang ba bara ba baprista ba ne ba etsa ditlolo ka dinoko.

Dipesaleme 45:8

O rata ho loka, o hloile bokgopo. Kahoo Modimo, Modimo wa hao, o o tlotsitse ka ole ya thabo, ho ena le balekane ba hao;

Eksoda 25:6

le ole ya ho bonesa, le dinoko tsa ole ya ho tlotsa, le mokubetso o monko o monate;

Eksoda 30:22

Morena a bua ho Moshe, a re:

Eksoda 30:24

le kasia eo boima ba yona e leng dikilo tse tsheletseng, tse lekantsweng ka tekanyo e sebediswang ka Sehalalelong; le dilethara tse nne tsa ole ya sefate sa mohlwaare.

Eksoda 31:11

le ole e tlotsang, le mokubetso o monko o monate wa Sehalalelo. Ba tla etsa tsohle ho ya kamoo ke o laetseng kateng.”

Eksoda 35:28

le dinoko, le ole e bonesang, le ole e tlotsang, le mokubetso o monko o monate.

Eksoda 37:29

A etsa ole e tlotsang, e halalelang, le mokubetso o monko o monate, jwalokaha ho etsa setsebi se tswakang ditlolo.

Diproverbia 7:17

Ke nonoditse moalo wa ka ka mmira, ka o nonotsa ka lekgala le sinamone.

Sefela sa Salomone 1:13

Ho nna moratuwa o ka mokotlana o tshetseng mmira, o bang fubeng sa ka ka nako tsohle.

Sefela sa Salomone 1:3

Menkwane ya ditlolo tsa hao e nkga hamonate, bitso la hao le ka setlolo ha se qhatsitswe, hase feela barwetsana ba o dumang!

Sefela sa Salomone 4:14

Ho metse nareta le saforone le lehlaka le sinamone, le fate tsa mokubetso ka mefuta ya tsona. Mmira le lekgala le tsona di mela moo, le tlamana tsohle tse monko o monate.

Isaia 43:24

Ha o a nthekela hlaka le monko o monate, kapa wa nthabisa ka mafura a mahlabelo a hao. Empa o nkimeditse ka dibe tsa hao, wa ntena ka makgopo a hao.

Jeremia 6:20

Mokubetso o tswang Sheba o ntlisetsa molemo ofe? Wa ntshwe e tswang naheng tse hole wona ke ofe? Nyehelo tsa lona tsa setjheso ha di amohelehe, le mahlabelo a lona ha a nthabise.”

Ezekiele 27:19

“ ‘Baahi ba Dane le ba Jafane ba tswang Usale, ba ne ba reka thepa ya hao, ba e ananya ka tshepe le ka dinoko le ka ntshwe.

Ezekiele 27:22

“ ‘Bahwebi ba Sheba le ba Rama ba ne ba hweba le wena, mme thepa ya hao ba e ananya ka dinoko tse monko o monate, le ka majwe a bohlokwa, le ka kgauta.

Numere 4:16

“Eleasare, mora wa moprista Arone, yena o tla hlokomela ole ya lebone, le mokubetso o monko o monate, le nyehelo ya dijo, le ole e tlotsang; a hlokomele le Tente ya Morena, le tsohle tse ka ho yona. Hape a hlokomele le Sehalalelo, le thepa ya sona.”

1 Samuele 10:1

Samuele a nka lenaka la ole, a e tshela hloohong ya Saule, a mo aka, a re: “Morena o o tlotsa ka ole hore o be kgosi ya setjhaba sa hae. O tla busa setjhaba sa hae, e leng Baiseraele, mme o se namolele ho dira tsa sona tse se potapotileng. Hona e tla ba pontsho ya hore Morena o o tlotsitse ho ba kgosi ya setjhaba sa hae.