Eksoda 28:34 - BIBELE

³⁴ ke hore ho etswe lengenengene la kgauta, ho nto etswa kgarenate; ho etswe lengenengene la kgauta, ho nto etswa kgarenate, jwalojwalo, ho potoloha lemeno la seaparo.

Sesotho 1909/1961 (SO)

³⁴ ho bewe klokonyana ya kgauta le garanata, ho boele ho bewe klokonyana ya kgauta le garanata, melekeng ya kobo, ho e potoloha.

Eksoda 28:34 Referencias Cruzadas

Dipesaleme 89:15

Ho loka le toka ke motheo wa terone ya hao, mohau le botshepehi di o eteletse pele.

Eksoda 28:33

Lemenong la seaparo o tle o etse dikgarenate ka lesela le leputswa, le le perese, le le lefubedu, ho se potoloha. Pakeng tsa tsona, ho potoloha, o etse mangenengene a kgauta;

Eksoda 28:35

Arone o tla apara seaparo sena ha a ntshebeletsa, mme modumo wa mangenengene o tla utlwahala ha Arone a kena ka Sehalalelong, kapele ho Morena, leha a etswa, e le hore a se ke a shwa.

Eksoda 39:22

Ba etsa seaparo se aparwang tlasa setipe, se entsweng ke selohi, ka lesela le leputswa feela.

Eksoda 39:26

ke hore ho entswe lengenengene, ha nto etswa kgarenate, ho potoloha lemeno la seaparo sa ho sebeletsa, jwalokaha Morena a ne a laetse Moshe.

Sefela sa Salomone 2:3

Ha moratuwa a le hara bahlankana, o ka fate sa apole hara fate tsa meru. Ke thabela ho phomola moriting wa hae; tholwana hae e a hlabosa ha ke e latswa.

Sefela sa Salomone 4:13

Dikgarenate ke dimela tsa tshimo ya hao, tholwana tsa tsona, ka monate, di a babatswa! Mmasa le dinareta le tsona di a fumanwa.

Sefela sa Salomone 4:3

Melomo ya hao e ka kgwele e kgubedu, ho bua ha hao le hona ho a kgahleha; marama a hao, a kwahetsweng ke lesira, a tshwana le kgekge tsa kgarenate, kgarenate e petsotswe.

Sefela sa Salomone 6:11

Ka theohela ka serapeng sa fate tsa ditholwana, ho hlahloba tse melang botjha kahara kgohlo, ho bona hore na morara o so fupile, na dikgarenate tsona di se di thuntse.

Sefela sa Salomone 6:7

Marama a hao a kwahetsweng ke lesira, a tshwana le kgekge ya kgarenate, kgarenate e petsotswe.

Sefela sa Salomone 8:2

Ke ne ke tla tsamaya le wena ke o ise lapeng heso, moo mme a ileng a nkgodisetsa teng; ke o nwese veine e nang le metswako, ke o nwese lero la dikgarenate tsa ka.

Johanne 15:16

Hase lona le nkgethileng, empa ke nna ke le kgethileng, mme ke le beile hore le ye, le behe ditholwana, mme ditholwana tsa lona di dulele ruri, hore eng le eng eo le e kopang Ntate ka lebitso la ka, a le fe yona.

BaKolose 1:10

Ka tsela ena le tla phela ka mokgwa o tshwanelehang mahlong a Modimo, le mo kgahlise dinthong tsohle. Le tla atleha mesebetsing yohle e lokileng, mme le hole tsebong ya Modimo.