Eksoda 26:33 - BIBELE

³³ O tla leketlisa lesira dihokelong, mme ka nqane ho lona o bee areka ya selekane. Lesira leo le tla arohanya Sehalalelo ho Sehalalelo se halalelang ka ho fetisisa.

Sesotho 1909/1961 (SO)

³³ O tle o bee lesira tlasa dikgoketsane, mme hona teng, kahare ho lesira, o tla kenya areka ya bopaki, lesira lena le tla le arolela sehalalelo ho sehalaledisiso.

Eksoda 26:33 Referencias Cruzadas

1 Marena 6:16

Motsheo ho Tempele a haha motero ka mapolanka a kedare, a o haha ho tloha fatshe ho ya fihla marulelong. Bophahamo ba wona e ne e le dimethara tse robong, o sireleditse Sehalalelo le Sehalalelo se halalelang ka ho fetisisa.

1 Marena 8:10

Yare ha baprista ba etswa ka Sehalalelong, leru la tlala ka Tempeleng ya Morena,

1 Marena 8:6

Baprista ba tlisa areka ya selekane sa Morena ka Tempeleng, ba e bea ditulong tsa yona, ka Sehalalelong se halalelang ka ho fetisisa, tlasa mapheo a dikerubime.

2 Dikronike 3:8

A haha Sehalalelo se halalelang ka ho fetisisa. Bolelele ba sona bo ne bo lekana le bophara ba Tempele, e le dimethara tse ka bang robong, le bophara ba sona e le dimethara tse ka bang robong. A se maneha kgauta e hlwekisitsweng, e etsang boima ba dithane tse ka bang mashome a mabedi a motso o mong.

Eksoda 25:16

Ka arekeng o tla kenya matlapa a ngotsweng Molao, ao ke tla o nea wona.

Eksoda 26:32

O tla le leketlisa ditshiyeng tse nne, tse entsweng ka dithupa tsa sefate sa mositsane, tse manehilweng kgauta. Di be le dihokelo tsa kgauta, mme di hlongwe hodima ditshehetso tsa silefera.

Eksoda 27:10

Ditshiya tse ka lehlakoreng lena di be mashome a mabedi, le ditshehetso tsa tsona di be mashome a mabedi, e be tse entsweng ka lethose. Dihokelo tsa ditshiya le mefapo ya tsona e be tse entsweng ka silefera.

Eksoda 27:21

Ka Tenteng ya Morena, feela ka kwano ho lesira le siretseng areka ya selekane, Arone le bara ba hae ba tla hotetsa lebone kapele ho Morena; lebone leo le tuke ho tloha ka shwalane ho fihlela hoseng. Hona e tla ba molao o tla bolokwa kamehla yohle ke meloko yohle ya bana ba Iseraele.”

Eksoda 36:36

Ba le etsetsa ditshiya tse nne ka dithupa tsa sefate sa mositsane, tse manehilweng kgauta. Di ne di ena le dihokelo tsa kgauta. Ba di etsetsa ditshehetso tse nne tsa silefera.

Eksoda 40:21

A kenya areka kahara Leaho, a lepeletsa lesira le sireletsang areka ya selekane, jwalokaha Morena a ne a mo laetse.

Eksoda 40:3

Ka ho lona o tla kenya areka ea Selekane, mme o kwahele areka eo ka lesira.

Ezekiele 41:4

A metha Sehalalelo se kahare: Bolelele ba sona e ne e le dimethara tse leshome, le bophara e le dimethara tse leshome. Jwale a re ho nna: “Sena ke Sehalalelo se halalelang ka ho fetisisa.”

Levitike 16:2

Morena a bua ho Moshe, a re: “Bolella moholwana wa hao Arone hore a se no kena ka Sehalalelong ka dinako tsohle, kamora lesira le siretseng sekwahelo sa tefelo ya sebe se hodima areka ya selekane e le hore a se ke a shwa, hobane ke tla iponahatsa hodima sekwahelo sa tefelo ya sebe, ke le lerung.