Eksoda 26:25 - BIBELE

²⁵ Ho tla ba le ditshiya tse robedi, le ditshehetso tsa silefera tse leshome le metso e tsheletseng; tse pedi di be katlasa tshiya e nngwe le e nngwe.

Sesotho 1909/1961 (SO)

²⁵ Ha ho le jwalo, teng ho tla ba le dipolanka tse robileng meno e le mmedi tse nang le didulwana tsa tsona tsa silefera; didulwana tsona di tla bo leshome le metso e tsheletseng, di be ka bobedi katlasa polanka e nngwe, le ka bobedi katlasa polanka e nngwe.

Eksoda 26:25 Referencias Cruzadas

Eksoda 26:19

O tla etsetsa ditshiya tseo tse mashome a mabedi ditshehetso tsa silefera, tse nang le mekotjana, tse mashome a mane. Ditshehetso tse pedi di be katlasa tshiya e nngwe le e nngwe, moo dimapo tse pedi tsa yona di tla kena teng.

Eksoda 26:24

Di tla kopanngwa ho tloha fatshe, ho ya fihla hodimo, moo ho nang le mofitshane wa pele. Ditshiya tsena tse pedi, tse dihukung, di tla etswa jwalo.

Eksoda 26:26

“O tla etsa maballo ka ditshiya tsa sefate sa mositsane. Maballo a mahlano a be kahodima ditshiya tse ka lehlakoreng le leng la leaho;

Eksoda 36:30

Ho ne ho ena le ditshiya tse robedi, le ditshehetso tsa silefera tse leshome le metso e tsheletseng; tse pedi di le katlasa tshiya e nngwe le e nngwe.

Eksoda 38:27

Ho ile ha sebediswa silefera e etsang boima ba dikilo tse dikete tse tharo le makgolo a mane, ho etsa ditshehetso tsa Sehalalelo, le ditshehetso tsa lesira: ditshehetso tse lekgolo tsa etswa ka silefera e etsang boima ba dikilo tse dikete tse tharo le makgolo a mane; setshehetso ka seng sa etswa ka silefera e etsang boima ba dikilo tse mashome a mararo a metso e mene.