Baroma 2:3 - BIBELE

³ Jwale wena motho ya ahlolang ba bang ba etsang tse jwalo, empa o ntse o di etsa, na o hopola hore o tla phonyoha kahlolong ya Modimo?

Sesotho 1909/1961 (SO)

³ Mme wena motho, o ahlolang ba etsang tse jwalo, athe le wena o a di etsa, hleka o hloma ekaba wena o tla phema kahlolo ya Modimo na?

Baasraak Sotho NT

³ Mme wena motho, wena ya ahlolang ba etsang tse jwalo, le wena o di etsang, a o hopola hore o tla phonyoha kahlolo ya Modimo na?

Contemporary Southern Sotho Bible 2024

³ Mme wena motho, wena ya ahlolang ba etsang tse jwalo, le wena o di etsang, a o hopola hore o tla phonyoha kahlolo ya Modimo na?

Baroma 2:3 Referencias Cruzadas

2 Samuele 10:3

mahosana a Baamone a re ho Hanune, monga wona: “O bona eka ke hobane Davida a tlotla ntatao ha a rometse maqosa ho tla o tshedisa? Na hase ho tla hlahloba motse, le ho o hlwela, hore a tle a o hape?”

Jobo 35:2

“Na o bona ho nepahetse ha o re: ‘Nna ke lokile ho feta Modimo?’

Dipesaleme 50:21

Tsena o di entse; jwale o re nka kgutsa? O hopola hore ke tshwana le wena? Ke tla o kgalemela, ke totobatse tsohle mahlong a hao.

Dipesaleme 56:7

Ba a bokana, ba ipatele nna, ba lalle metsamao ya ka, ba ntse ba tsoma bophelo ba ka.

Diproverbia 11:21

Ruri ba kgopo ba tla ahlolwa, ba lokileng bona ba pheme kahlolo.

Diproverbia 16:5

Motho ya ikgantshang, Morena o a mo nyonya, ya jwalo Morena o tla mo ahlola.

Ezekiele 17:15

Empa kgosana e ile ya fetohela kgosi ya Babilona, ya romela maqosa a yona Egepeta, ya kopa hore e thuswe ka dipere le ka bahlabani ba bangata. Na kgosana eo e tla atleha? Na ya etsang tse tjee a ka phonyoha? Na a ka senya selekane yaba o a lopoloha?

Ezekiele 17:18

O nyedisitse kano ka ho senya selekane seo a neng a se hlapanyeditse, a etsa dintho tsena tsohle; kahoo a ke ke a phonyoha.

Daniele 10:19

Motho eo a re ho nna: “Se tshabe, wena ya ratwang haholo. Kgotso e be le wena! Matlafala, e, matlafala!” Hoba a bue le nna ka matlafala, ka re: “Bua, monga ka, hobane jwale o mmatlafaditse.”

Mattheu 23:33

“Dinoha ting! Madinyane a marabe! Kahlolo ya dihele le tla e phonyoha jwang?

Mattheu 26:53

Kapa o lekanya hore ke sitwa ho rapela Ntate, a nthomelle hona jwale mabotho a mangeloi a fetang leshome le metso e mmedi?

Luka 12:14

Jesu a re ho yena: “Monna heso, ya mpeileng moahlodi kapa moaroledi wa lona ke mang?”

Luka 22:58

Ho se hokae e mong a mmona, a re: “Le wena o wa bona.” Petrose a re: “He, monna, ha ke yena!”

Luka 22:60

Empa Petrose a re: “Hela, monna, ha ke tsebe seo o se bolelang.” Hanghang, a sa bua, mokoko wa lla.

Baroma 1:32

Leha ba tseba hantle taelo ya Modimo e reng ba etsang tse jwalo ba lokelwa ke lefu, ha ba di etse e le bona feela, empa ba bile ba thoholetsa le ba bang ba di etsang.

Baroma 2:1

Ka baka leo, wena motho ya ahlolang, leha o ka ba mang kapa mang, o hloka boitatolo, hobane ka ho ahlola ba bang, o a ikahlola, kaha wena ya ahlolang o ntse o etsa tsona tseo.

Baroma 2:2

Re tseba hore Modimo o ahlola ka nepo ba etsang tse jwalo.

Baroma 9:20

Motho towe, o mang wena o ka arabisanang le Modimo? Na ntho e bopilweng e ka re ho ya e bopileng: “Keng ha o mpopile tjee?”

1 BaThesalonika 5:3

Mohla batho ba reng: “Ke kgotso, ha ho kotsi,” ke mohla timelo e tla ba tsometsa jwalokaha bohloko ba pelehi bo tsometsa moimana, mme ba ke ke ba phonyoha.

BaHebheru 12:25

Hlokomelang, le se ke la hana ho mamela ya buang. Baiseraele ba ileng ba hana ho mamela, ha a ba lemosa a le lefatsheng, ha ba a ka ba phonyoha. Jwale ebe rona re ka phonyoha jwang, haeba re furalla ya re lemosang a le lehodimong?

BaHebheru 2:3

Jwale rona re tla phonyoha jwang, ha re eisa ho pholoswa ho hoholo hakaalo, hoo Morena e bileng wa pele ho ho bolela, mme ra ho pakelwa ka ho tiya ke ba ho utlwileng?