1 Marena 7:8 - BIBELE

⁸ Ntlo eo a neng a phela ho yona e ne e le ka lethuleng le leng, e hahilwe jwaloka lethule la dinyewe. Solomone a hahela moradi wa Faro, eo a neng a mo nyetse, ntlo e jwaloka lethule lena.

Sesotho 1909/1961 (SO)

⁸ Ntlo eo a tla phela ho yona, e leng lebaleng le leng, kamora mathule, ya etswa ka mokgwa o le mong. Salomone a hahela le moradi wa Faro eo a mo nyetseng ntlo e kang mathule ao.

1 Marena 7:8 Referencias Cruzadas

1 Marena 3:1

Solomone a etsa selekane le Faro, kgosi ya Egepeta, ka ho nyala moradi wa Faro. A mo bekela Motseng wa Davida, hobane o ne a eso hahe ntlo ya kgosi, le Tempele ya Morena, le lerako le potapotang Jerusalema.

1 Marena 7:9

Ho tloha motheong, ho ya fihla pheletsong ya lerako, le lethuleng le leholo, matlo ana wohle a ne a hahilwe ka majwe a betlilweng ka makgethe, ho ya ka ditekanyetso tsa teng; a kwetlisitsweng kantle le kahare ka ditjhesele tse meno.

1 Marena 9:16

Faro, kgosi ya Egepeta, o ne a ile a nyoloha, a hapa Gesere, a e tjhesa ka mollo, a bolaya Bakanana ba neng ba ahile motseng oo; yaba o phahlela moradi wa hae, mosadi wa Solomone, ka motse oo.

1 Marena 9:24

Hoba moradi wa Faro a falle Motseng wa Davida, a ye tlung ya hae, eo Solomone a neng a mo hahetse yona, yaba Solomone o haha Milo.

2 Marena 20:4

Esaya o ne a eso tswe ka lebaleng le kahare, ha lentswe la Morena le fihla ho yena, le re:

2 Dikronike 8:11

Solomone a lata moradi wa Faro Motseng wa Davida, a mo isa tlung eo a neng a mo hahetse yona. O ne a re: “Mohatsa ka a ke ke a dula tlung ya Davida, kgosi ya Iseraele, hobane sebaka seo areka ya Morena e kileng ya eba ho sona, se a halalela.”