1 Bakorinthe 4:20 - BIBELE

²⁰ hobane Mmuso wa Modimo hase wa puo ya molomo, ke wa diketso.

Sesotho 1909/1961 (SO)

²⁰ Hobane mmuso wa Modimo ha o dipolelong, empa o matleng.

Baasraak Sotho NT

²⁰ Hobane mmuso wa Modimo ha o puong, empa o matleng.

Contemporary Southern Sotho Bible 2024

²⁰ Hobane mmuso wa Modimo ha o puong, empa o matleng.

1 Bakorinthe 4:20 Referencias Cruzadas

Baroma 1:16

Ha ke hlajwe ke dihlong ho bolela molaetsa o molemo, hobane wona ke matla a Modimo, a pholosang mang le mang ya dumelang, Mojuda pele, le yena moditjhaba.

Baroma 14:17

Mmuso wa Modimo hase taba ya dijo le dino, empa ke taba ya ho loka, ya ho ba le kgotso, le ya ho thabiswa ke Moya o Halalelang.

Baroma 15:19

Tsena di tlile ka matla a mehlolo le a dimakatso, ka matla a Moya wa Modimo. Ka tsela eo ke phatlaladitse molaetsa o molemo wa Kreste ka botlalo, ho tloha Jerusalema, ke potoloha, ke ya fihla Ilorikone.

1 Bakorinthe 1:24

Empa ho ba bitsitsweng ke Modimo, e ka ba Bajuda kapa Bagerike, Kreste eo ke matla a Modimo le bohlale ba Modimo.

1 Bakorinthe 2:4

Puo ya ka le molaetsa wa ka ha di a ka tsa bolelwa ka mantswe a hapang, a bohlale ba motho, empa e ne e le ka matla a kgodisang a Moya o Halalelang.

2 Bakorinthe 10:8

Leha nka ithorisetsa matla a rona haholwanyane, ao Morena a re neileng wona ho le matlafatsa, e seng ho le fedisa, ha nka ke ka hlajwa ke dihlong.

1 BaThesalonika 1:5

hobane molaetsa o molemo wa rona ha o a ka wa tla ho lona ka dipolelo feela, empa o tlile le ka matla le ka Moya o Halalelang, le ka ho kgodiseha haholo. Ke seo re bileng sona hara lona ho le thusa, jwalokaha le tseba.